Exodus 14:16 - সান্তালী বাইবেল

¹⁶ Ar amakʼ ṭheṅga sabme ar jalapuri cetanre amakʼ ti tiạrtam ar jalapuri bar hạṭiń ocoyme. Ar onate Israelko do jalapuri talate rohoṛgeko taṛam parom daṛeakʼa.

Exodus 14:16 Referans Kwoze

Exodus 7:19

Tayomte Probhu Isor do Moseye metadea, “Aron acʼakʼ ṭheṅga hataokate Misor reakʼ sanam gaḍa, nala, pukhri ar jarwa akan dakʼko cetan secʼ ti tiạrkate ạcurem metaea. Onate sanam dakʼ do mãyãmokʼa. Misor disạm reakʼ sanam jaegare mãyãm ńelokʼa; ar dhiri ar kaṭre dohoakatʼ dakʼ hõ mãyãmokʼa.”

Exodus 14:26

Unre Probhu Isor do Moseye metadea, “Jalapuri cetanre amakʼ ti tiạrtam. Onate dakʼ do arhõ mitʼ ruạṛokʼte misriko cetanre, onkoakʼ rãt gạḍikore ar aswariko cetanre paṛaokʼa.”

Exodus 4:20

Unre Mose do acʼren bạhu ar gidrạko gadhareye decʼketʼkote Misor disạmteye ruạṛ calaoena. Ar Isorakʼ ona ṭheṅga hõe iditorakeda.

Exodus 4:17

Amakʼ noa ṭheṅga do iditoraeme ar ona hotetege onako hahaṛa kạmi dom kạmiya.”

Exodus 4:2

Unre Probhu Isor do uniye metadea, “Amakʼ tire ona do cetʼ kana?” Uniye menkeda, “Mitʼṭecʼ ṭheṅga kana.”

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Exodus 7:9

“Pharao tinre hahaṛa kạmi udukʼ lạgitʼe metabena, unre Aronem metaea, ‘Pharao samaṅre amakʼ ṭheṅgam giḍiytama,’ ar unre ona ṭheṅga do bińe hoy godokʼa.”

Numeri 20:11

Niạ katha menkate Mose do tiye tulketʼte acʼakʼ ṭheṅgate ona dhirire bar dhaoe dalkeda; ar onate dhiri khon dakʼ do oḍokokʼ ehopʼena ar Israel hoponko ar onkoren janwarko ona dakʼko ńũkeda.

Exodus 14:15

Niạ tayom Probhu do Moseye metadea, “Am do cedakʼem rakʼeda? Israelko laha secʼ sen idikʼ metakom.

Exodus 17:5

Unre Probhu Isor do Moseye metadea, Israelkoren adom murubbiko soṅgekate hoṛko lahate calakʼpe. Ar oka ṭheṅgate nil gaḍa reakʼ dakʼem dalletʼ ona hataokate laha idikʼme.

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

Josuạ 8:18

Unre Probhu Isor do Josuại metadea, “Amakʼ ti reakʼ tarwaṛe do Ae nagraha secʼ tiạrtam, ente amakʼ tirege nagraha doń jimạ akada.” Josuạ do unre acʼakʼ tarwaṛe Ae nagraha secʼe tiạrketʼtaea;

2 Rapajko 4:29

Unre Elisae do Gehosiye metadea, “Am do paṭhe keṭejokʼme ar ińakʼ ṭheṅga hataokate ńir calakʼme. Ar jãhãe sãotem ńapam emanlen khan unim joharaea ar jãhãege ame joharam khan alom roṛ ruạṛaea. Ińakʼ ṭheṅga do gidrạwakʼ mẽtʼãhãrem dohoya.”

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?