Exodus 14:13 - সান্তালী বাইবেল

¹³ Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Exodus 14:13 Referans Kwoze

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

2 Bõsbudạ 20:15

Jahasiyele menkeda, “E Jehosaphat raj ar okoe do Jihudạ ar Jerusalemrepe girobasokʼ kan, ape sanamkoge ańjompe. Probhu Isor do ape ṭhen niạ kathae roṛeda, ‘onko maraṅ lạṛhại phạdko ńelte alope botorokʼa se alope as chuṭạukʼa. Niạ lạṛhại do apeakʼ do baṅ kana, Isorakʼ kana.

Exodus 14:30

Probhu Isor do enhilokʼ nonkage misrikoakʼ ti khon Israelkoe bańcaoketʼkoa. Ar Israelko do misrikoakʼ mạ̃ṛĩko jalapuri aṛekoreko ńelkeda.

2 Rapajko 6:16

Nạbiye roṛ ruạṛkeda, “Alom botorokʼa. Okoe alaṅ sãote menakʼko onko do hanko khon hõko saṅgegea.”

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Rak̕joṅ 3:26

Probhu Isor khon bańcao ạuri hoyokʼ hạbicʼ jiwi hataṛkate koyokʼ horge bhagea.

Hosea 13:4

Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Genesis 49:18

“E Probhu Isor, am do unim rukhiyạyea ar ona ńelhor lạgitʼge iń do minạńa.

Jirimiạ 3:23

Sạrige buru boṭkocʼ khon goṛowakʼ do eṛeteakʼ chaḍa ar cetʼge baṅkana. Sạrige aleren Probhu Isorrege Israelkoakʼ bańcaokʼ do menakʼa.

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Sereńko 3:8

Babańcao do Probhu Isorakʼ kạmi kangea, ar amren hoṛko cetanre amakʼ bhor baṛe tahen ma. (Sela)

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Jesaea 30:15

Probhu Isor, Israelren uni sonoticʼ do niạ kathae meneda, “Kại khonpe ruạṛlen khan bańcaope ńama, ar pạtiạrre diṛho akaepe tahelen khan do daṛepe ńama.” Menkhan ape do bape rạmjạulena.

1 Bõsbudạ 11:14

Menkhan onko pe birbanṭa hoṛ do tala baṛgere senkateko teṅgoyena. Onko do ona baṛgeko rukhiyạkeda ar Philisṭikoko maraoketʼkoa. Enhilokʼ Probhu Isor do onkoe rukhiyạketʼkoa ar maraṅ jitạukʼgeye danatʼkoa.

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?

Hosea 13:9

“E Israel, am do iń secʼren dom baṅkana, metakʼme amren gokʼṛoyicʼ secʼrenem baṅkante iń do amiń marao giḍikama.

Genesis 46:3

Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

1 Samuel 11:13

Menkhan Sạule menkeda, “Teheń do celege baṅ gocʼko hoyokʼa, ente teheń dinre Probhu Isor do Israelkoe bańcao akatʼkoa.”

1 Samuel 12:16

“Ńitokʼ do ma sapṛaokʼpe; Probhu Isor apeakʼ mẽtʼãhã samaṅre oka maraṅakʼe kạmi ona ńelpe.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Sereńko 68:21

Isor do begor digdhạtege acʼren bạirikoakʼ bohokʼe gejertakoa; ar okoe kạireko jobe akae menakʼko onkoakʼ bohokʼ reakʼ khạpri hõ uni doe gejertakoa.

Sereńko 78:53

Uni do nirạiteye ạguketʼkoa, onate onko do bako botorlena; menkhan jalapuri do onkoren bạirikoe utʼgotʼkatʼkoa.

Sereńko 91:8

Bedhorom hoṛko cetʼleka kuṛạiko ńam ona do eken mẽtʼtem ńela.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”