Exodus 14:12 - সান্তালী বাইবেল

¹² Misorre tahẽkanrege cetʼ bale metatʼme tahẽkana, ‘nonḍege tahẽocoaleme; ale do misrikoren golam akangele tahena’? Nonḍe noa hahaṅkarre gujukʼ khon golam akae tahenge ale lạgitʼ do bhage tahẽkana.”

Exodus 14:12 Referans Kwoze

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Exodus 3:9

Israelkoakʼ rakʼjoṅ do ńitokʼ iń ṭhen seṭer akana. Misorrenko ṭhen cetʼlekako santao ocokʼkan ona doń ńelakada.

Mark 1:24

Uni do ãṭ aṛaṅte hohoateye menkeda, “E Nasaretren Jisu, ale tulucʼ amakʼ do cetʼ? Nosṭole lạgitʼem hecʼakana? Baḍaegeạń okoe kanam mente; am do Isorren uni sonoticʼ kanam.”

Hosea 4:17

Ephrayim do boṅgako sãoteye mitʼakana; uni do onage onka ocowaeme.

Exodus 13:17

Pharao do tinre Israelkoe bidạkatʼkoa unre Isor do Philisṭikoakʼ disạm talate sojhe hor tahẽkanre hõ ona horte do bae ạyurletʼkoa. Ente Isore menkeda ona disạm talate calakʼ jokhecʼ lạṛhại emanreko paṛaolen khan hoedaṛeakʼa onko do mon ạcurkate arhõ Misorteko ruạṛ botejokʼa.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.