Exodus 14:11 - সান্তালী বাইবেল

¹¹ Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Exodus 14:11 Referans Kwoze

Numeri 11:15

Iń cetanrem nonkae khan nonḍe ńitge baṛe gojeńme. Ar amakʼ dayań ńamakatʼ khan ińakʼ mẽtʼte nonkan bạṛicʼ dosa do alom ńel ocoyińạ.”

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Exodus 5:22

Unre Mose do sen ruạṛkate Probhui metadea, “E Probhu Isor, noko jạtrenko kosṭo do cedakʼem emakokana? Ar cedakʼ baṅ iń hõm kol akadiń?

Genesis 43:6

Unre Israele menkeda, “Iń sãote nonka bạṛicʼ do cedakʼpe beoharkeda? Aperen armitʼṭen boeha menae ona do cedakʼpe lạikeda?”

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Exodus 13:17

Pharao do tinre Israelkoe bidạkatʼkoa unre Isor do Philisṭikoakʼ disạm talate sojhe hor tahẽkanre hõ ona horte do bae ạyurletʼkoa. Ente Isore menkeda ona disạm talate calakʼ jokhecʼ lạṛhại emanreko paṛaolen khan hoedaṛeakʼa onko do mon ạcurkate arhõ Misorteko ruạṛ botejokʼa.

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.