Exodus 14:10 - সান্তালী বাইবেল

¹⁰ Ar Israelko do Pharao ar uniren dolko ako tayomte hijukʼkanko ńelketʼko khan ạḍiko botorena ar Probhu ṭhenko rakʼkeda.

Exodus 14:10 Referans Kwoze

Sereńko 107:6

Muhinre paṛaoente onko do Isor ṭhenko rakʼkeda, ar nonkate uni do onkoe bańcaoketʼkoa.

Sereńko 34:17

Okoe dhorom reakʼko kạmikan Probhu Isor do onkoakʼ rakʼe ańjometʼtakoa; ar joto lekan kosṭo khon uni doe rukhiyạyetʼkoa.

Nehemiạ 9:9

“Misor disạmre amge aleren hapṛamkoakʼ dukem ńelletʼtakoa; ar arakʼ doreão aṛere onkoakʼ rakʼem ańjomletʼtakoa.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

2 Bõsbudạ 18:31

Rãt gạḍiren subedarko do Jehosaphat ńelteko hudiskeda, uni kangeae Israelkoren raj do. Onate onko do ạcurente uni akromone lạgitʼko senena menkhan Jehosaphat doe kikiạu gotʼkeda, unre Probhu Isor do uniye goṛowadea ar onate onko do uni ṭhen khonko calaoena.

1 Johan 4:18

Noa dulạṛre do botor bạnukʼa, bickom purạ dulạṛ do botore oḍok giḍiya, ente botorre do sạjại menakʼa. Okoeye botorokʼ kan uni do dulạṛre purạte bae sạbit utạr akana.

Jirimiạ 22:23

E Lebanon reakʼ debdạru kaṭte benaoakʼ oṛakʼren tahen kạnicʼ, maejiu hoṛakʼ bedon leka tinre haso rakapʼama unre am dom geraṅa!”

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Sereńko 107:28

Muhinre paṛaokate Probhu Isor ṭhenko rakʼkeda, ar onate uni do onkoe oḍok ạguketʼkoa.

Sereńko 107:19

Muhinre paṛaokate onko do Probhu Isor ṭhenko rakʼkeda, ar onate uni onkoe rukhiyạketʼkoa.

Sereńko 107:13

Muhinre paṛaoente onko do Probhu Isor ṭhenko rakʼkeda, ar nonkate uni do onkoe rukhiyạketʼkoa.

Exodus 15:25

Noa katha ańjomkate Mose do Probhu Isor ṭhene rakʼkeda. Uni do Mose mitʼṭen dareye udukʼadea. Mose do dakʼre ona dareye topoketʼ khan dakʼ do ńũi lek hoyena. Probhu Isor do onḍe biḍạureye paṛaoketʼkote onko lạgitʼ mitʼṭecʼ niạm ar ạne bandhaokeda.

Dosar Biboron 9:7

“Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Exodus 13:17

Pharao do tinre Israelkoe bidạkatʼkoa unre Isor do Philisṭikoakʼ disạm talate sojhe hor tahẽkanre hõ ona horte do bae ạyurletʼkoa. Ente Isore menkeda ona disạm talate calakʼ jokhecʼ lạṛhại emanreko paṛaolen khan hoedaṛeakʼa onko do mon ạcurkate arhõ Misorteko ruạṛ botejokʼa.

Josuạ 24:6

Aperen hapṛamko do Misor disạm khon oḍokkate jalapuri ṭhenko hecʼena. Ar Misorrenko do rãt gạḍiko, sadomko ar aswarikoante arakʼ jalapuri hạbicʼko khudạu ạguketʼpea.