Exodus 13:9 - সান্তালী বাইবেল

⁹ Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Exodus 13:9 Referans Kwoze

Dosar Biboron 6:8

Ar dikʼsạ dohoy reakʼ cinhạ lekate ona do apeakʼ tirepe tolkakʼa ar mạndạli leka cạndirepe dohoya.

Numeri 15:39

Dạsikope ḍuriạwakʼa jemon onakope ńellere ińakʼ sanam hukumko reakʼ kathape disại ar onape manao. Enḍekhan ape do ińre bepạtiạukʼte apeakʼ ontor ar mẽtʼ reakʼ rij roṅre bape ạkhrińokʼa.

Exodus 13:16

Noa do nonkan mitʼṭecʼ cinhạ hoyokʼa oka do ti ar moloṅ reakʼ cinhạ lekae disạ ocomea, Probhu Isor do acʼakʼ daṛete Misor disạm khone oḍok ạguketʼbona.’ ”

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Romiko lạgitʼ Pạul Apostolakʼ ciṭhi 10:8

Isor ṭhen dhorom mente ataṅokʼ reaṅ sostorre arhõe meneda, “Isor okae menakatʼ ona do am sãorege menakʼa, metakʼme amakʼ moca ar amakʼ ontorre menakʼa.” Okaṭakʼ biswạs reakʼ katha bon porcaretʼkan ona do Isorakʼ katha kangea.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiyeda ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiyeda.

Dosar Biboron 30:14

Probhu Isorakʼ katha do ape soṅgetege menakʼa; ona do apeakʼ mocare ar ontorre dohokakʼpe ar ona leka colonpe.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Joel 2:11

Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 49:16

Ńelme, ińakʼ ti talkare amakʼ ńutumiń ol dohoakatʼa; am beṛhaeteakʼ pạcriko do jaoge iń samaṅre menakʼa.

Jesaea 40:10

Ńelpe, Probhu Isor do daṛe salakʼe hijukʼkana, uniyakʼ daṛeanakʼ ti do raje calaoetʼtaea. Ńelpe, kuṛại do uni sãorege menakʼa, ar uniyakʼ hala ruạṛ do uni samaṅrege.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Kạhtukko 3:21

E bạbu, bud ar ạkil dohojoṅme, ar onage moneyakʼme.

Kạhtukko 1:9

Onako do amakʼ bohokʼ lạgitʼ ṭhosok mukuṭ ar hoṭokʼ reakʼ do mala kana.

Sereńko 89:13

Amakʼ ti do ektiạrite perecʼgea; amakʼ tire do daṛe menakʼa, ar amakʼ jojom ti reakʼ daṛe do ohoge tulạulena.

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Dosar Biboron 6:6

Niạko hukum okaṭakʼ do teheń apeń emapekan ona do apeakʼ ontorre rebetʼ dohokakʼpe.

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Kạhtukko 7:23

Cẽṛẽ cetʼleka usạrate jhampateye ńir bolokʼkan ar mucạtʼre uniyakʼ kunḍire sar ạuri bolokʼ hạbicʼ onkage uni hoṛ hõ bae baḍaekana, noate jiwi do calakʼtaea mente.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Sereńko 136:12

Uni do kuṭhin ar daṛeanakʼ tite onkoe oḍok ạguletʼkoa; uniyakʼ dulạṛ do jaejuggetaea.

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Dosar Biboron 6:21

Unre onkope metakoa, ‘Misor disạmre abo do Pharaoren golam bon tahẽkana, menkhan Probhu Isor do acʼakʼ daṛeanakʼ tite onḍe khone oḍok ạguakatʼ bona.

Bikʼcạrko 2:12

Onkoren hapṛamkoren Probhu Isor, okoe do Misor disạm khone oḍok ạguletʼko tahẽkan uni do jaogeko bạgiyaekan tahẽkana. Onko do ako beṛhaeten jạtren eṭakʼ eṭakʼ debota secʼko ạcurokʼkan tahẽkana arko pujạwako kan tahẽkana, ar onkate Probhu Isorakʼ pitko caṛhao ocoyetʼ tahẽkana.

Sereńko 136:11

Okoe do onko tala khon Israelkoe oḍok ạguletʼko uni gun manao joharaepe; ente uniyakʼ dulạṛ do jaejuggetaea.

Daniel 9:15

“E aleren Probhu Isor, amakʼ daṛeanakʼ tite amren hoṛko Misor disom khonem oḍok ạguletʼkoa ar amakʼ ńutum do maraṅlentama, ar teheń hạbicʼ hõ ona menakʼa. Ale dole kại akada ar bạṛicʼakʼle kạmi akada.