Exodus 13:7 - সান্তালী বাইবেল

⁷ Niạ eae din apeakʼ jomakʼ piṭhạ do bin khạmiyanakʼ baṛe hoyokʼma. Enhilokʼ apeakʼ goṭa disạmre khạmi ar khạmi mesalakatʼ jãhãn cetʼ jomakʼge alope dohokakʼa.

Exodus 13:7 Referans Kwoze

Exodus 12:19

Noa eae din hạbicʼ apeakʼ oṛakʼkore khạmi do alope dohokakʼa.

Mathae 16:6

Ado Jisui metatʼkoa, “Phạrusiko ar Sạdukikoakʼ khạmi khon sontor akan tahenpe.”

1 Korinthiko 5:8

Onate mare khạmi, metakʼme hiskạ ar bạṛicʼakʼ reakʼ khạmite do alo, menkhan nirạ ar sạriyakʼ reakʼ bin khạmiyanakʼ piṭhạte bon porobokʼma.

Exodus 12:15

“Ape do eae din hạbicʼ bin khạmiyanakʼ piṭhạpe joma. Apeakʼ oṛakʼre oka khạmi tahen ona do pạhil dinregepe ocokʼ giḍikakʼa. Noa eae din bhitrire okoe khạmiyanakʼ piṭhại jom uni do Israelko tala khone marao ocokʼa.

Dosar Biboron 16:4

Niạ eae din apeakʼ simạre ar ape talare khạmi mesalakatʼ jãhãn jinis alo baṛe ńamokʼma. Porob reakʼ pạhil din ạyupʼ jokhecʼ okaṭakʼ jelpe samaṅ ona do setakʼ hạbicʼ alope sarecʼ dohokakʼa.

Josuạ 5:11

Ar ona dosar hilokʼge ona disạm reakʼ phosol khon benaoakʼ bin khạmiyanakʼ piṭhạ ar isinakʼ anajko jomkeda.