Exodus 13:2 - সান্তালী বাইবেল

² “Israelkoren mitʼke mitʼ pạhil koṛa hopon do iń ńutumtem begar dohokoa, onko modre baṅ doe manwakan ar baṅ doko janwarkan. Mitʼke mitʼ pạhil janamokʼ koṛa hopon doko ińren kana.”

Exodus 13:2 Referans Kwoze

Luk 2:23

ente Probhu Isorakʼ ạnre ol menakʼa, “Pạhil janamicʼ koṛa gidrạ do Probhu Isorren menteye ńumogokʼa.”

Numeri 3:13

ente Israelkoren sanam pạhil koṛa hopon doko ińren kana. Misor disạmre pạhil koṛa hopon gocʼko jokhecʼ Israelko talare mitʼke mitʼ pạhil koṛa hopon do iń lạgitʼgeń begar dohoakatʼkoa- ar ona do manwakoge cetʼ ar janwarkoge baṅ cetʼ. Onko do ińren kanako; ar iń doń Probhu Isor kana.”

Dosar Biboron 15:19

“Aperen ḍaṅgra, bhiḍi ar meromkoren mimitʼ pạhil janam akan ạnḍiạ hoponko do aperen Probhu Isor ńutumtepe begar dohokoa. Ar ḍaṅgraren pạhil hoponko hõ kạmire alope lagaokoa ar bhiḍi ar meromren pạhil hoponkoakʼ upʼ hõ alope kạpciy takoa.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Levitikus 27:26

“Jãhãege mĩhũ-meromren pạhil ạnḍiạ hopon do Probhu Isor ńutumte alope sonotkoa, ente joto mĩhũ-meromren pạhil ạnḍiạ hopon do Probhu Isorren kanako. Baṅ doe ḍaṅgrakan ar baṅ doe bheḍakan jotoge Probhu Isorren kanako.

Exodus 4:22

Ona tayom am do Pharaoem metaea, Probhu Isore meneda, ‘Israel doe ińren pạhilicʼ hopon kana.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Exodus 13:1

Probhu Isor do Moseye metadea,

Numeri 3:12

“Israelkoren pạhil koṛa hopon bodolte iń do Israelko tala khon Liwikogeń bachao akawana. Liwiko do ińren kanako,

Nehemiạ 10:36

Ạn-ạrire cetʼ leka ol menakʼ onkage ale do aleren pạhil hoponko ar ḍaṅgrako, meromko ar bhiḍikoren pạhil hoponko Isorakʼ oṛakʼreko dewa sewakan naeke ṭhenle idikoa.

Jeheskel 16:20

“ ‘Amren okoe hopon ar hoponerako iń lạgitʼ kukhirem janametʼko onko do jomakʼ lekate boṅgako ńutumtem samaṅ akatʼkoa. Amakʼ loṭghuṭi reakʼ kạmi do cetʼ ḍherge baṅ tahẽkana?

Jeheskel 16:21

Am do arhõ amren hopon ar hoponerako boṅga muṭhạnko ńutumtem teṅgenketʼkote seṅgelrem khadleketʼkoa.

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.