Exodus 13:18 - সান্তালী বাইবেল

¹⁸ Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

Exodus 13:18 Referans Kwoze

Dosar Biboron 32:10

“Uni do hahaṅkar disạmreye ńamkedea, hińjrạukʼkan mitʼ nisun jaegare. Uni doe esetʼ ạcurkedea, are jotonkedea; ar mẽtʼ reakʼ joti lekage uni doe horhokedea.

Exodus 14:2

“Israelkom metakoa jemonko ạcur calakʼte jalapuri ar Migdol tala reakʼ Pi-Hakirot ńutumanakʼ jaega ṭhenko ḍerakʼ. Ona jaega do jalapuri aṛe reakʼ Bakʼ al Sephon mohnḍa muhnḍirege menakʼa.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Sereńko 107:7

Uni do sojhe horteye idiketʼkoa jemon nagrahare senkate aloko girobas daṛeakʼ.

Josuạ 1:14

Jordan reakʼ purub secʼ okaṭakʼ jaega Mose apeye emakatʼpe onḍe do aperen bạhuko, gidrạko ar ạsul janwarkoko tahẽ daṛeakʼa, menkhan ape talare okoe do lạṛhại lạgitʼko oḍok sen daṛeakʼ onko do aperen boehako lahate gaḍa paromokʼ hoyokʼtakoa.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Josuạ 4:12

Mose okae hukum oṭoletʼ tahẽkan onkage Ruben ar Gad gusṭiren sanamko ar Manasi gusṭiren adha hoṛko do lạṛhại lạgitʼko sapṛaoente Israelko lahate gaḍako paromkeda.

Josuạ 4:13

Lạṛhại lạgitʼ pongel hajar hoṛ do khanḍa bhanḍawante Probhu Isor samaṅre lạṛhại lạgitʼ gaḍa paromkate Jerikho reakʼ ṭạnḍireko senena.

Sereńko 136:16

Okoe do acʼren hoṛko hahaṅkar talateye idiletʼko uni gun manao joharaepe; ente uniyakʼ dulạṛ do jaejuggetaea.

Genesis 50:25

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Exodus 14:9

Misorrenko do uniren sanam sadomko, aswariko ar palṭonkoante onkoko khudạu idiketʼkoa. Unre Israelko do jalapuri aṛe Bakʼal Sephonreko ḍera akan tahẽkana ar onko doko tiyokʼ ńõkʼ ocoakan tahẽkana.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.