Exodus 13:15 - সান্তালী বাইবেল

¹⁵ Ar kạṭhuạ iạte Pharao do tinre bae hecʼ ocoale kan tahẽkana unre Probhu Isor do Misor disạmren hoṛ ar janwarkoren mimitʼ pạhil hoponkoe gocʼketʼkoa. Onate ińren janwarkoren pạhil hopon do Probhu Isor ńutumteń dãṛẽyetʼkoa ar ińren pạhilicʼ hoponiń chaḍaoede kana.

Exodus 13:15 Referans Kwoze

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Exodus 34:20

Menkhan gadharen pạhil ạnḍiạ hopon do mitʼṭen bheḍa hoponte bodol chaḍaoe hoyokʼa. Ar uni hopon bae chaḍaokʼ enḍekhan uni do hoṭokʼ rạpudtae hoyokʼa. Ar aperen mitʼke mitʼ pạhil hoponko hõ chaḍaoko hoyokʼtapea. “Porob jokhecʼ okoehõ iń ṭhen eken ti do alope hijukʼa.

Numeri 3:46

Liwikoakʼ joto lekha khon Israelkoren pạhil herel hoponkoakʼ lekha do barsae eaegel pe hoṛ ḍherko tahẽkante onko mimitʼko chaḍaoko lạgitʼ am do gel gram ojon reakʼ dhorom sekel reakʼ mõṛẽ sekelkate rupạm ạdạikoa.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Sereńko 105:36

Ona tayom uni do Misorrenkoakʼ pạhil jo, metatʼme pạhil janam hoponkoe maraoketʼkotakoa.

Exodus 3:19

Ińiń baḍaea kajak tiye aṭkarlere hõ Misorren raj do ape bae aṛakʼpea.

Exodus 4:23

Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”