Exodus 13:14 - সান্তালী বাইবেল

¹⁴ “Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Exodus 13:14 Referans Kwoze

Josuạ 4:6

Noako dhiri do ape talare mitʼṭecʼ cinhạ leka tahena. Ar tayom daram din aperen hopon ar hoponerako ona dhiri reakʼ maneko kulilepere onkope lại daṛeakoa, Probhu Isorakʼ goha-sinduk tinre jordan gaḍa talate gokʼ paromokʼkan tahẽkana unre ona gaḍa reakʼ ạtukʼ do teṅgo thirlena. Noako dhiri do Israelko ṭhen mitʼṭecʼ cinhạ leka tahena jemon jaejug hạbicʼ ona katha doe disạ ocoko.”

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Sereńko 145:4

Mitʼ piṛhiren do eṭakʼ piṛhiren hoṛko ṭhen amakʼ kạmi reakʼko sarhao sereńa; onko do amakʼ daṛeanakʼ kạmi reakʼ kathako lại jạhira.

Josuạ 22:24

“Ale do noa botorte pinḍle benao akada, hoedaṛeakʼa ape se aperen bõsko do aleren bõskoko metakoa, ‘Israelkoren Probhu Isor sãote apeakʼ do cetʼ menakʼtapea?

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Genesis 30:33

Ar tayom daram jãhãtinrege ạlińakʼ beton reakʼ ben hudis unre noko khonge sạbudokʼa, cetʼge bạliń behok akada mente. Huḍiń ar maraṅ kabra chap bạnukʼ nonkan merom se bhiḍi hopon ạlińakʼ palreko ńamlen khan onko do kombṛo akanko menteko hudisokʼa.”

Aposkạmi 13:17

Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Exodus 13:8

Enhilokʼ ape do aperen hoponkope metakoa, ‘Misor disạm khon tinreń oḍok hecʼlena unre Probhu Isor iń lạgitʼ okae cekaletʼ ona disạite noań onkayeda.’

Sereńko 78:4

Onkoren bõsko ṭhen ona do babon oko dohokakʼa; abo do tayom piṛhirenko ṭhen Probhu Isorakʼ sarhaoanakʼ kạmi reakʼ katha bon lạiya; ar uniyakʼ daṛe reakʼ katha ar uni okako hahaṛa kạmiye kạmiakatʼ ona reakʼ katha hõ bon lạiya.

Exodus 6:1

Probhu Isor do Moseye metadea, “Am do Pharaoakʼ dosa cetʼ hoyokʼkana ona ńelme. Ińakʼ keṭecʼ tire paṛaokate uni do hoṛkoe aṛakʼkoa. Hẽ ińakʼ keṭecʼ tire paṛaokate acʼakʼ disạm khon onkoe laga oḍokkoa.”

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Dosar Biboron 5:6

‘Ińge Probhu amren Isor. Misor disạm khon golam oṛakʼ khon ińgeń oḍok ạguakatʼmea.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Josuạ 24:17

Aboren Probhu Isor do acʼge abo ar aboren hapṛamko Misor disạm khon, golam oṛakʼ khon nonḍeye oḍok ạgu akatʼbona ar aboakʼ mẽtʼãhã samaṅrege maraṅ maraṅ hahaṛawakʼ kạmikoe kạmi akada. Aboakʼ goṭa dãṛãn horre tinạkʼ jạtrenko talate bon hecʼakan onkoakʼ ti khon unigeye bańcao akatʼbona.

Bikʼcạrko 2:12

Onkoren hapṛamkoren Probhu Isor, okoe do Misor disạm khone oḍok ạguletʼko tahẽkan uni do jaogeko bạgiyaekan tahẽkana. Onko do ako beṛhaeten jạtren eṭakʼ eṭakʼ debota secʼko ạcurokʼkan tahẽkana arko pujạwako kan tahẽkana, ar onkate Probhu Isorakʼ pitko caṛhao ocoyetʼ tahẽkana.

1 Bõsbudạ 16:12

E uniren guti Israelkoren bõsko, uniye bachao akawan Jakobren hoponko, uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menakatʼ ona disạ dohoype.

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Sereńko 136:11

Okoe do onko tala khon Israelkoe oḍok ạguletʼko uni gun manao joharaepe; ente uniyakʼ dulạṛ do jaejuggetaea.

Jirimiạ 34:13

“Iń Israelren Probhu Isoriń meneda, aperen hapṛamko tinre Misor disạm khon, golam oṛakʼ khoniń oḍok ạguletʼkoa unre onko do noa bondobos lekateń metatʼko tahẽkana,

Daniel 9:15

“E aleren Probhu Isor, amakʼ daṛeanakʼ tite amren hoṛko Misor disom khonem oḍok ạguletʼkoa ar amakʼ ńutum do maraṅlentama, ar teheń hạbicʼ hõ ona menakʼa. Ale dole kại akada ar bạṛicʼakʼle kạmi akada.