Exodus 12:8 - সান্তালী বাইবেল

⁸ Enhilokʼ ńindạge onko do ona jel seṅgelreko rapagma ar begor khạmiyanakʼ piṭhạ ar haṛhatʼ aṛakʼ sãoteko jom ma.

Exodus 12:8 Referans Kwoze

Exodus 34:25

“Ape do iń ńutumte tinre janwarakʼ mãyãmpe samaṅa unre ona sãote khạmi mesal akatʼ jãhãnakʼge alope samaṅa. Bańcao porob reakʼ samaṅokʼakʼ jãhãnakʼge setakʼ hạbicʼ do alope sarecʼ dohokakʼa.

Dosar Biboron 16:7

Aperen Probhu Isor okaṭakʼ ṭhạ̃iye bachao joṅ onḍege ona reakʼ jelpe isina arpe joma. Ar dosar hilokʼ do apeakʼ oṛakʼtepe ruạṛ calakʼa.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Exodus 23:18

“Iń ńutumte tinre janwarakʼ mãyãmpe samaṅa unre ona sãote khạmi mesalakatʼ piṭhạ do alope samaṅa. Porob jokhecʼ iń ńutumte okoe janwarpe dãṛẽko onkoakʼ itil reakʼ jãhãnakʼ hạṭińko setakʼ hạbicʼ alope sarecʼ dohokakʼa.

Exodus 13:7

Niạ eae din apeakʼ jomakʼ piṭhạ do bin khạmiyanakʼ baṛe hoyokʼma. Enhilokʼ apeakʼ goṭa disạmre khạmi ar khạmi mesalakatʼ jãhãn cetʼ jomakʼge alope dohokakʼa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

Galathiko lạgitʼ Pạul Apostolakʼ ciṭhi 5:9

Kạṭicʼ talaṅ khạmi do sipiyakʼ joto holoṅgeye phulạu ocoya.

Mathae 26:26

Adoko jojom kan tahẽkanre, Jisu do piṭhạ halaṅkateye bhorada. Ar kecakʼkate celako ematʼkoteye menkeda, “Ne ataṅpe ar jompe, noa do ińakʼ hoṛmo kana.”

Mathae 16:12

Ado un utạrko bujhạukeda, piṭhạ reakʼ khạmi khon sontor akae do baṅ, menkhan Phạrusi ar Sạdukiko reakʼ cecetʼakʼ khon sontor tahene metako kana mente.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Exodus 12:9

Ona jel do berelte se dakʼte isinkate do alope joma, menkhan bohokʼ, jaṅga ar bhitri reakʼ hạṭińko sudhạ seṅgelre rapakʼ katepe joma.

2 Bõsbudạ 35:13

Niạm lekate onko do bańcaokʼ porobren bheḍa do seṅgelreko rapakʼ isinkedea ar samaṅokʼakʼ jel do ṭukucʼre, celaṅre, luihạre isinkate usạrate idikate hoṛkoko jom ocoketʼkoa.