Exodus 12:6 - সান্তালী বাইবেল

⁶ Ar niạ cando reakʼ pongel tạrik hạbicʼ uni do dohoye hoyokʼa. Ona tayom enhilokʼ cando hạsur tayom goṭa Israel somaj reakʼ mimitʼ gharońjrenko do apan ạpin bheḍa hoponko gurkoa.

Exodus 12:6 Referans Kwoze

Levitikus 23:5

Bochor reakʼ pạhil cando reakʼ gelponakʼ tạrik reakʼ ạyupʼ jokhecʼ Probhu Isor ńutumte bańcao porob do ehobokʼa.

Numeri 28:16

“Bochor reakʼ pạhil cando reakʼ gelponakʼ tạrikre Probhu Isor ńutumte bańcaokʼ porobpe porobokʼa.

Numeri 9:11

Onko do dosar cando reakʼ gelponakʼ dinre siń cando hạsurokʼ tayom noa porobko porobokʼa. Ar bin khạmiyanakʼ piṭhạ ar haṛhatʼ aṛakʼ sãote bańcaokʼ porob reakʼ jelko joma.

Exodus 12:18

Ape do pạhil cando reakʼ gelponakʼ tạrik reakʼ ạyupʼ khon ehopʼkate ona cando reakʼ bargel mitʼ ńindạ hạbicʼ bin khạmiyanakʼ piṭhạpe joma.

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Jeheskel 45:21

“ ‘Pạhil cando reakʼ gelponakʼ tạrikre bańcaokʼ porobpe hoeocoya. Niạ porob do eae din reakʼ hoyokʼa; unre ape do bin khạmiyanakʼ piṭhạ jojom hoyokʼtapea.

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Luk 23:18

Menkhan hoṛko do mitʼ jomkaote hohowateko menkeda, “Uni do pharakeme, ar Barabba aṛakʼaleme.”

Luk 23:1

Unre ona bạisiren sanamko do beretʼente Romren disạm cakʼlaoyicʼ Pilạt ṭhen Jisuko idikedea.

Mark 15:25

Onko do setakʼ are baja okte Jisuko kuruskedea.

Mark 15:11

Menkhan maraṅ naekeko do disạm hoṛko uskạuketʼkoa jemon onko do Jisu bodolte Barabbako khoje.

Mark 15:8

Ar gadel hoṛ do Pilạt ṭhen hecʼkateko metadea, “Am do jaoge okam ceka ạguakatʼ ńit hõ onkaeme baṛe.”

Mark 15:1

Maraṅ naekeko do ạḍi setakʼre, murubbiko, sostor baḍaeko ar maraṅ bạisiren hoṛko soṅgekate mitʼṭecʼko solhakeda. Ar ona tayom do Jisuko tol idikedete Romren disạm cakʼlaoyicʼ Pilạt ṭhenko jimạkadea.

Mathae 27:25

Sanamkoko roṛ ruạṛadea, “Ale ar aleren gidrạkoge uniyakʼ mãyãm reakʼ dạyikle hoyokʼa.”

Mathae 27:20

Menkhan maraṅ naekeko ar murubbiko do hoṛkoko rạmjạuketʼkoa jemon Barabbako khoje ar Jisu do goje reakʼ kathako roṛ.

Numeri 28:18

Pạhil hilokʼ do mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Aposkạmi 3:14

Ape do uni sonoticʼ ar dhoromicʼpe baṅkedete mitʼṭen khũniạhi aṛakʼape lạgitʼpe khojleda.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Exodus 12:17

Bin khạmiyanakʼ piṭhạ porob do jaejug reakʼ niạm lekate piṛhike piṛhipe porobokʼa, ente niạ dinge ape do lạṛhại phạdko leka Misor disạm khoniń oḍok ạgupea.

Exodus 12:47

“Sanam Israelkoge noa porob do manao hoyokʼtakoa.

Exodus 16:1

Israelko do Elim khon arhõ uṭhạuente calakʼko ehopʼena. Misor disạm khonko oḍok hecʼen tayom dosar cando reakʼ gelmõṛẽ din hilokʼ onko do Sin reakʼ hahaṅkar ṭoṭhareko seṭerena. Noa jaega do Elim ar Sinại buru talare tahẽkana.

Exodus 19:1

Misor disạm khon oḍok hecʼen tayom tesar cando Israelko do Sinại hahaṅkarreko seṭerena.

2 Bõsbudạ 35:1

Josiạ do Jerusalemre Probhu Isor ńutumte bańcao porobe porobena. Pạhil cando reakʼ gelponakʼ dinre hoṛko do bańcaokʼ porobre bheḍako gurketʼkoa.

Esra 6:19

Bondi dosa khon ruạṛ hecʼen hoṛko do pạhil cando reakʼ gelpon din hilokʼre bańcao porobko porobena.

Exodus 29:39

Mitʼṭen do setakʼ jokhecʼ ar eṭagicʼ do ńuhumokʼ jokhecʼ samaṅkin hoyokʼa.

Exodus 29:41

Ńuhumokʼ jokhecʼ okoeṭakʼ bheḍam samaṅe uni sãote setakʼ oktere lekage anaj ar coḍor samaṅokʼakʼ hõ samaṅ hoyokʼa. Noa do Probhu Isor ńutumte seṅgelre samaṅokʼakʼ kana one ona reakʼ jut so uni doe kusiyakʼ kan.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.