Exodus 12:51 - সান্তালী বাইবেল

⁵¹ Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 12:51 Referans Kwoze

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 6:26

Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.

Aposkạmi 13:17

Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Exodus 12:50

Probhu Isor do Mose ar Aron okaṭakʼe hukumatʼkin onkage Israelko doko kạmikeda.

Exodus 13:1

Probhu Isor do Moseye metadea,

Exodus 16:1

Israelko do Elim khon arhõ uṭhạuente calakʼko ehopʼena. Misor disạm khonko oḍok hecʼen tayom dosar cando reakʼ gelmõṛẽ din hilokʼ onko do Sin reakʼ hahaṅkar ṭoṭhareko seṭerena. Noa jaega do Elim ar Sinại buru talare tahẽkana.

Exodus 19:1

Misor disạm khon oḍok hecʼen tayom tesar cando Israelko do Sinại hahaṅkarreko seṭerena.

Sereńko 114:1

Israel jạtrenko tinre Misor khonko oḍok hecʼena, ar eṭakʼ pạrsite katha roroṛ hoṛko tala khon Jakob bõsrenko do tinreko oḍok hecʼena,

Sereńko 136:11

Okoe do onko tala khon Israelkoe oḍok ạguletʼko uni gun manao joharaepe; ente uniyakʼ dulạṛ do jaejuggetaea.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Levitikus 23:43

Onate aperen bõsko baḍae daṛeakʼa, iń do Israelko Misor disạm khoniń oḍok ạguketʼkote ḍera oṛakʼreń girobas ocoketʼkoa. Ar iń Probhuge aperen Isor do.”

Numeri 23:22

Uni do Misor khon onkoe oḍok ạgu akatʼkoa, bir ḍaṅgrawakʼ daṛe leka onkoakʼ daṛe do.

Numeri 26:4

“Probhu Isor Mose okae hukum akawade ona lekate ape do bargel ar ona khon ḍher umeran herel hoṛpe lekhakoa.” Ar okoeko Israel hopon do Misor disạm khonko oḍok hecʼlen hoṛ lekha jokhecʼ onkoakʼ ńutum hõ ol caṛhaoen takoa.

Numeri 33:1

Mose ar Aronakʼ ạyurte Israelko do palṭonko leka Misor disạm khon oḍok tayom judạ judạ jaegare ḍera ḍerateko calakʼkan tahẽkana.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.

Josuạ 24:5

“Ona tayom iń do Mose ar Aron iń kolketʼkinạ. Ar iń do kạmi hotete Misorrenkoń hạnketʼkoa, ar ona tayom do apeń oḍok ạguketʼpea.

1 Rapajko 6:1

Misor disạm khon Israelkoko oḍok hecʼen tayom ponsae irạl gelakʼ bochorre Israelko cetanre Solomonakʼ rajokʼ ponakʼ bochor reakʼ Sib candore, metakʼme dosar candore Solomon do Probhu Isorakʼ oṛakʼ benaoe ehopʼena.

2 Bõsbudạ 14:12

Unre Asa ar Jihudạren hoṛko samaṅ khon Probhu Isor do Kusrenkoe ńẽtʼketʼkoa. Onate Kusren hoṛko doko dạṛkeda.