Exodus 12:48 - সান্তালী বাইবেল

⁴⁸ Ape talareko tahenkan eṭakʼ jạtren jãhãege Probhu Isor ńutumteakʼ noa bańcaokʼ porobe manao enḍekhan lahare uniyakʼ gharońjren sanam herel hoṛ do khatnakʼ hoyokʼtakoa. Ona tayom do Israelko lekako manao daṛeakʼa. Menkhan bin khatna akan hoṛ do noa porob reakʼ jel do bako jom daṛeakʼa.

Exodus 12:48 Referans Kwoze

Numeri 9:14

“Israelko talareko girobasokʼ kan eṭakʼ jạtren jãhãege Probhu Isor ńutumte bańcaokʼ porobe porobokʼ, enḍekhan uni do porob reakʼ niạm lekate porobokʼ hoyokʼtaea. Israel ar eṭakʼ jạtren sanamkoge niạ mitʼ niạmge manao hoyokʼtakoa.”

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Jeheskel 47:22

Okoe bidisiạko akoren hopon ar hoponerakoante ape talareko girobasokʼ kan onko lạgitʼ ar ape lạgitʼ disạm do sompotti lekatepe hạṭińjoṅa. Onko do disạmreko janam akan Israel menteko lekhakʼa. Ape sãote onko hõ Israel gusṭiko talare sompotti lekate jumi reakʼ hạṭińko ńama.

Exodus 12:43

Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Exodus 12:19

Noa eae din hạbicʼ apeakʼ oṛakʼkore khạmi do alope dohokakʼa.

Jeheskel 44:9

Okoe bidisiạkoakʼ ontor ar hoṛmo hõ baṅ khatna akantako onko do ińakʼ oṛakʼte bako bolo daṛeakʼa; ar Israelko talareko girobasokʼ kan bidisiạko hõ bako bolo daṛeakʼa.

Genesis 17:12

Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa.

Genesis 17:11

Aperen mitʼke mitʼ herel hoponko do hereltetʼ reakʼ laha hartape getʼ giḍikakʼa. Ar alaṅ talare okaṭakʼ bondobos dohoyen, onage hoyokʼa ona reakʼ cinhạ do.

Jeheskel 14:7

Jãhãe Israel hoṛ se Israel disạmre girobasokʼ kan jãhãe bidisiạ hoṛ iń ṭhen khone begarokʼ ar acʼakʼ monre boṅga muṭhạne bạisạute kạire ńurokʼ lekan jinis uni samaṅreye dohoy ar ona tayom iń ṭhen kulijoṅ lạgitʼ jãhãe nạbi ṭhene hijukʼ, enḍekhan iń Probhu Isorge uni doń roṛ ruạṛaea.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.