Exodus 12:43 - সান্তালী বাইবেল

⁴³ Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Exodus 12:43 Referans Kwoze

Exodus 12:48

Ape talareko tahenkan eṭakʼ jạtren jãhãege Probhu Isor ńutumteakʼ noa bańcaokʼ porobe manao enḍekhan lahare uniyakʼ gharońjren sanam herel hoṛ do khatnakʼ hoyokʼtakoa. Ona tayom do Israelko lekako manao daṛeakʼa. Menkhan bin khatna akan hoṛ do noa porob reakʼ jel do bako jom daṛeakʼa.

Numeri 9:14

“Israelko talareko girobasokʼ kan eṭakʼ jạtren jãhãege Probhu Isor ńutumte bańcaokʼ porobe porobokʼ, enḍekhan uni do porob reakʼ niạm lekate porobokʼ hoyokʼtaea. Israel ar eṭakʼ jạtren sanamkoge niạ mitʼ niạmge manao hoyokʼtakoa.”

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Levitikus 22:10

“Naeke gharońjren hoṛko chaḍa ar okoehõ samaṅakʼ sonotakʼ jinis do bako jom daṛeakʼa. Naekeren jãhãe peṛa se kạmiyạko hõ ona do bako jom daṛeakʼa.

1 Samuel 2:27

Mitʼdin Isorren mitʼṭen hoṛ do Eli ṭhen hecʼkateye menkeda, “Probhu Isore meneda, ‘amren hapṛamko tinre Misorre pharao gobolreko tahẽkana unre onko ṭhen iń do cetʼ pusṭạute bạń sodorlena?

2 Bõsbudạ 30:18

Ephrayim, Manasi, Isakar ar Sebulon gusṭiren ḍher hoṛkoge apnar saphako baṅkate niạm upạrte bańcaokʼ porob reakʼ bhojko jomkeda. Menkhan Hiskiạ do onko ńutumte koekateye menkeda, “Mundil reakʼ niạm lekate bako sapha akanre hõ enhõ okoe do onkoren hapṛamkoren Probhu Isorakʼ sana leka calakʼ lạgitʼko mon muruk akatʼ, onko sanamko jemon dayawạnicʼ Isor baṛeye ikạkako.”

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Levitikus 22:13

Menkhan naekeren jãhãe rạnḍi hoponera se jãwãetetʼe bạgi akade begor gidrạwan kuṛi do apatakʼ oṛakʼre tahen lạgitʼe ruạr hecʼakan khan uni do acʼ apat reakʼ hĩse ńama. Naekeakʼ gharońjrene baṅkan nonkan okoehõ ona do bako jom daṛeakʼa.