Exodus 12:36 - সান্তালী বাইবেল

³⁶ Ar onko okaṭakʼko khojketʼ onage emokʼ lạgitʼ Probhu Isor do misrikoakʼ monre Israelko cetanre dayae janam ocoketʼtakoa. Nonkate onko do misrikoakʼ aema jinisko ạidạriana.

Exodus 12:36 Referans Kwoze

Genesis 15:14

Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Daniel 1:9

Isor do uni cạkrạkoren sordarakʼ monre Daniel lạgitʼ daya ar mãyãe ńam ocokeda.

Sereńko 105:37

Uni do sona rupạ salakʼ Israelkoe oḍokʼ ạguketʼkoa; ar onko gusṭiko modren okoe hõ bako laṅgalena.

Exodus 11:3

Ar Probhu Isor do Israelko cetanre Misrikoakʼ monre dayae rakapʼ ocoketʼtakoa. Ona chaḍa Mose hõ Pharaoren kạmiyạko ar Misorren hoṛkoakʼ mẽtʼãhã samaṅre mitʼṭen maraṅ hoṛe hoyena.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Exodus 11:2

Am do Israelkom metakoa, mimitʼ herel hoponko ar mimitʼ maejiuko sanamkoge jemon ako aḍepaseren hoṛko ṭhen khon sona ar rupạko koejoṅ.”

Esra 1:6

Onko aḍepaseren sanam hoṛko do sona, rupạ reakʼ bhajan, eṭakʼ eṭakʼ jinisko, janwarko ar damanakʼ jiniskoko ematʼkote onkoko goṛowatʼkoa ar Isorakʼ oṛakʼ lạgitʼ apnarakʼ kusi leka danko emena.