Exodus 12:34 - সান্তালী বাইবেল

³⁴ Nonkate Israelko do khạmi ạuriko mesalrege sipiyakʼ holoṅ ḍhimbạ do gamla sudhạ kicricʼreko moṭraketʼte tarenreko ladekeda.

Exodus 12:34 Referans Kwoze

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

Exodus 12:39

Oka bin khạmiyanakʼ sipiyakʼ holoṅ ḍhimbạ Misor disạm khonko ạgu daraletʼ onate horre piṭhạko benaokeda. Ar nunạkʼ usạra Misor khonko oḍok ocoyena, onko do holoṅ sãote khạmi mesal reakʼ somoe hõ bako ńamleda ar horre jom lạgitʼ jãhãnakʼ hõ bako benao daṛeada.