Exodus 12:21 - সান্তালী বাইবেল

²¹ Unre Mose do Israelkoren sanam murubbiko hohoatʼkoteye metatʼkoa, “Apeakʼ gharońj lạgitʼ bheḍa hopon bachaokote bańcaokʼ porob ńutumte gocʼkope.

Exodus 12:21 Referans Kwoze

Exodus 12:3

Aben do sanam Israelko jarwakate ben metakoa niạ cando reakʼ gel tạrik hilokʼ mimitʼ gharońjren mukhiyạko do akoakʼ gharońj lạgitʼ mitʼṭen bheḍa hoponko bachao joṅa. Ente mimitʼ oṛakʼ lạgitʼ mitʼṭenkate bheḍa hopon hataoe hoyokʼa.

Esra 6:20

Naekeko ar liwiko do apnartetʼko sapha maṛaṅena, ar onate sanamkogeko saphayena. Liwiko do apnar lạgitʼ, bondi dosa khon ruạṛ hecʼakan sanam hoṛko lạgitʼ ar onkoren naekeko lạgitʼ bańcaokʼ porobren bheḍako gurketʼkoa.

2 Rapajko 23:21

Inạ tayom raj do sanam hoṛko noae hukumatʼkoa, “Bondobos reakʼ puthire cetʼ leka olakan onkage ape do aperen Probhu Isor ńutumte bańcaokʼ porob porobokʼpe.”

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Numeri 11:16

Probhu Isor do Moseye metadea, “Israelko talare okoe do mukhiyạ arko lekman hoṛkan onko modren nonkan eaegel murubbiko iń ṭhenem ạgukoa. Onko do ńapamokʼ tạmbu ṭhen hecʼkate am sãote teṅgokʼ lạgitʼem metakoa.

Exodus 19:7

Unre Mose do pheḍkate Israelkoren murubbiko mitʼ ṭhene hoho jarwaketʼkoa ar Probhu Isor okako kathae metade tahẽkan ona jotogeye lạiyatʼkoa.

Exodus 17:5

Unre Probhu Isor do Moseye metadea, Israelkoren adom murubbiko soṅgekate hoṛko lahate calakʼpe. Ar oka ṭheṅgate nil gaḍa reakʼ dakʼem dalletʼ ona hataokate laha idikʼme.

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Ibriko 11:28

Uni do biswạs iạtege bańcaokʼ porob ar mãyãm chiṭiạu reakʼ niạme manaoleda, jemon nonosṭoyicʼ goḍet do pạhil janamkoe gocʼlekore Israelrenko jemon aloe joṭetʼko.

Exodus 12:20

Jãhãregepe tahen niạ eae din do khạmiyanakʼ jãhãnakʼ cetʼge alope joma; menkhan bin khạmiyanakʼ piṭhạ baṛe jompe.”