Exodus 12:17 - সান্তালী বাইবেল

¹⁷ Bin khạmiyanakʼ piṭhạ porob do jaejug reakʼ niạm lekate piṛhike piṛhipe porobokʼa, ente niạ dinge ape do lạṛhại phạdko leka Misor disạm khoniń oḍok ạgupea.

Exodus 12:17 Referans Kwoze

Exodus 13:8

Enhilokʼ ape do aperen hoponkope metakoa, ‘Misor disạm khon tinreń oḍok hecʼlena unre Probhu Isor iń lạgitʼ okae cekaletʼ ona disạite noań onkayeda.’

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Exodus 6:26

Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.

Exodus 12:6

Ar niạ cando reakʼ pongel tạrik hạbicʼ uni do dohoye hoyokʼa. Ona tayom enhilokʼ cando hạsur tayom goṭa Israel somaj reakʼ mimitʼ gharońjrenko do apan ạpin bheḍa hoponko gurkoa.

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Exodus 12:24

“Noa porob do jao okte ape ar aperen bõsko mitʼṭecʼ niạm menkatepe manaoa.

Exodus 13:10

Ape do bochorke bochor niṭakatʼ dinrege noa niạmpe palona.

Exodus 34:18

“Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.