Exodus 12:16 - সান্তালী বাইবেল

¹⁶ Pạhil ar eae mãhã hilokʼ do mitʼṭecʼ sonot jarwakʼpe hoeocoya. Niạ bar din do apnarakʼ jomakʼko benao chaḍa jãhãnakʼ cetʼge alope kạmiya.

Exodus 12:16 Referans Kwoze

Numeri 28:18

Pạhil hilokʼ do mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Numeri 28:25

Eae din hilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.

Exodus 16:23

Unre Mose do onkoe metatʼkoa, “Noa do Probhu Isorakʼ katha kangea. Gapa do jirạukʼ mãhã kana, ar Probhu Isor kangeae sonot jirạukʼ mãhã do. Onate tinạkʼpe rapakʼ daṛeakʼ ar tinạkʼpe teke daṛeakʼ ona do onkaepe; ar sarecʼakʼ do dosar hilokʼ lạgitʼ dohokakʼpe.”

Numeri 29:12

“Eae cando reakʼ mõṛẽgel tạrikre hõ mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ khaṭaoteakʼ kạmiko alope kạmiya. Ape do Probhu Isor ńutumte eae din hạbicʼpe porobokʼa.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

Levitikus 23:35

Niạ eae din reakʼ pạhil din do apeakʼ sonot jarwakʼ hoyokʼtapema. Ar enhilokʼ do cetʼge alope kạmiya.

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Exodus 20:10

menkhan eae din hilokʼ do amren Probhu Isor ńutumte mitʼṭecʼ jirạukʼ din kana. Enhilokʼ do, am ar amren hoponko ar hoponerako, amren guti ar kạ̃ṛmĩko, amren ḍaṅgrako, amren gadhako se eṭakʼ jãhãn janwarko se amakʼ ato se nagrahare girobasokʼ kan eṭakʼ jạtren hoṛko, okoe hõ cetʼge alope kạmiya.

Exodus 16:29

Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”

Exodus 16:5

Hapta reakʼ turuiyakʼ dinre jemon din hilokʼ reakʼ dobṛa halaṅkate jomakʼko benaojoṅ.”

Johan 19:31

Ona din do porob reakʼ sapṛaokʼ din tahẽkana. Ar dosar hilokʼ jirạukʼ mãhã tahẽkante Jihudi mukhiyạko do ona dinre kurus cetanre mạ̃ṛĩko tahen do bako khojlakʼa. Onate Pilạt ṭhenko nehõrena jemon kurusre menakʼkoakʼ jaṅga rạputʼkate kurus khonko pheḍ idiko.

Exodus 34:18

“Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Dosar Biboron 16:8

Turui din hạbicʼ bin khạmiyanakʼ piṭhạpe joma ar eae din hilokʼ do aperen Probhu Isor ńutumte mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

Numeri 28:26

“Eae hapta reakʼ porob dinre, metakʼme pạhilre rakabokʼ phosol samaṅokʼ hilokʼ tinre Probhu Isor ńutumte nãwã phosolpe samaṅa enhilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.