Exodus 12:15 - সান্তালী বাইবেল

¹⁵ “Ape do eae din hạbicʼ bin khạmiyanakʼ piṭhạpe joma. Apeakʼ oṛakʼre oka khạmi tahen ona do pạhil dinregepe ocokʼ giḍikakʼa. Noa eae din bhitrire okoe khạmiyanakʼ piṭhại jom uni do Israelko tala khone marao ocokʼa.

Exodus 12:15 Referans Kwoze

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

Genesis 17:14

Ar okoe hoṛakʼ hereltetʼ reakʼ laha harta bae getʼ giḍikakʼ uni do jạtrenko tala khone marao ocokʼa, ente uni do ińakʼ bondobose bemanot akada.”

Numeri 9:13

Menkhan besapha hoṛe baṅkan se daṛan horren hoṛ hõe baṅkan ar bańcaokʼ porob bae manao, enḍekhan uni do niṭ akatʼ oktere Probhu Isor ńutumte bae samaṅletʼte acʼakʼ jạtrenko khone marao ocokʼa. Uni do acʼakʼ kại reakʼ kuṛạiye ńama.

Exodus 34:18

“Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Dosar Biboron 16:8

Turui din hạbicʼ bin khạmiyanakʼ piṭhạpe joma ar eae din hilokʼ do aperen Probhu Isor ńutumte mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Numeri 28:17

Ona cando reakʼ gelmõṛẽ tạrik hilokʼ mitʼṭecʼ porobokʼ hoyokʼa. Unre eae din hạbicʼ bin khạmiyanakʼ piṭhạ jojom hoyokʼtapea.

Exodus 34:25

“Ape do iń ńutumte tinre janwarakʼ mãyãmpe samaṅa unre ona sãote khạmi mesal akatʼ jãhãnakʼge alope samaṅa. Bańcao porob reakʼ samaṅokʼakʼ jãhãnakʼge setakʼ hạbicʼ do alope sarecʼ dohokakʼa.

Exodus 12:8

Enhilokʼ ńindạge onko do ona jel seṅgelreko rapagma ar begor khạmiyanakʼ piṭhạ ar haṛhatʼ aṛakʼ sãoteko jom ma.

Galathiko lạgitʼ Pạul Apostolakʼ ciṭhi 5:12

Okoe apeko ạulạuetʼpe, onkore ińakʼ khojogokʼakʼ do noage, onko do apnarge jemonko getʼ begarokʼ.

Aposkạmi 12:3

Onate Jihudikoko kusiakana menteye ńelketʼ khan uni do Patras hõ sabe lạgitʼe calaoena. Noa ghoṭna do bin khạmiyanakʼ piṭhạ porob jokhecʼ hoylena.

Luk 12:1

Ar inạkʼtege hajar hajar hoṛ nonkako jarwayena je, onko do ṭhela ṭhili iạte bhindạṛokʼko ehopʼena. Unre Jisu do pạhilre acʼren celakoe metatʼkoa, “Phạrusikoakʼ khạmi khon sontor akae tahenpe. Ona khạmi do hoyokʼ kana onkoakʼ phạsiạratetʼ.

Mathae 16:12

Ado un utạrko bujhạukeda, piṭhạ reakʼ khạmi khon sontor akae do baṅ, menkhan Phạrusi ar Sạdukiko reakʼ cecetʼakʼ khon sontor tahene metako kana mente.

Malaki 2:12

Okoe nonkako kạmikan onko do phạdkoren Probhu Isor ńutumte samaṅokʼakʼ jinisko ạguiyre hõ enhõ Probhu Isor do Jakob bõsrenko hotete onko sanamkoe marao giḍikoa.

Dosar Biboron 16:5

“Aperen Probhu Isorakʼ emakʼ ar okaṭakʼ nagraharege bańcaokʼ porobren janwar do alope samaṅkoa;

Levitikus 17:14

ente sanam jiwiyankoakʼ jiwi do onkoakʼ jiwetʼ mãyãmrege menakʼa. Ona iạtege iń do Israelkoń metakokana jemon janwarakʼ mãyãm aloko jom, ente mitʼke mitʼ jiwiyankoakʼ jiwi do onkoakʼ mãyãm kana. Ar okoe ona mãyãme jom uni do acʼ jạtrenko khone meṭao ocokʼa.

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Exodus 31:14

“Jirạukʼ mãhã manaope, ente ape lạgitʼ noa din do iń ńutumteń begar dohoakada. Ar jãhãe noa din bae manao enḍekhan uni doe gocʼ ocokʼa; ar jãhãe niạ dinreye kạmi enḍekhan uni do acʼakʼ jạtrenko khone meṭao giḍi ocokʼa.

Luk 2:43

Ar porob mucạtʼen khan oṛakʼko ruạṛkan tahẽkanre Jisu do Jerusalemregeye tahẽyena. Menkhan uniren eṅgat-apat do bạkin baḍaeletʼa.

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”

2 Bõsbudạ 30:21

Okoe Israelko Jerusalemreko jarwalen onko do ạḍi rạskạ salakʼ eae din hạbicʼ bin khạmiyanakʼ piṭhạ porobko porobena; ar Liwiko ar naekeko do dinạm hilokʼ Probhu Isor ńutumte banam ar ruwate sarhao sereńko sereńetʼ tahẽkana.

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 30:38

Jut so jinis lekate beohar lạgitʼ jãhãe onae benao joṅ enḍekhan uni do acʼakʼ jạtrenko khone meṭao ocokʼa.”