Exodus 12:14 - সান্তালী বাইবেল

¹⁴ Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Exodus 12:14 Referans Kwoze

2 Rapajko 23:21

Inạ tayom raj do sanam hoṛko noae hukumatʼkoa, “Bondobos reakʼ puthire cetʼ leka olakan onkage ape do aperen Probhu Isor ńutumte bańcaokʼ porob porobokʼpe.”

Exodus 12:24

“Noa porob do jao okte ape ar aperen bõsko mitʼṭecʼ niạm menkatepe manaoa.

Exodus 12:17

Bin khạmiyanakʼ piṭhạ porob do jaejug reakʼ niạm lekate piṛhike piṛhipe porobokʼa, ente niạ dinge ape do lạṛhại phạdko leka Misor disạm khoniń oḍok ạgupea.

Exodus 12:43

Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Mathae 26:13

Sạrigeń metapekana, dhạrti reakʼ jãhã jaegarege bhage sombat porcarokʼ, onḍege nui maejiue kạmiakatʼ reakʼ katha hõ disại lạgitʼ lại torakʼa.”

Sereńko 135:13

E Probhu Isor, amakʼ ńutum do jaejug hạbicʼ tahenkana. E Probhu Isor, piṛhi cetan piṛhige amakʼ ńutum disạkʼtama;

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.

Exodus 5:1

Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”

Luk 22:19

Ona tayom uni do piṭhạ halaṅkate Isore gun manao joharadea. Ar ona kecakʼkate celako ematʼkoteye metatʼkoa, “Noa do ińakʼ hoṛmo kana oka do apeko lạgitʼ emogokʼkan. Nonkaepe iń disạyiń lạgitʼ.”

Sakariạ 6:14

Helem, metakʼme, Heldai, Tobia, Jedae ar Sephaniạren hopon Hen, metakʼme Josuạ disạye reakʼ cinhạ lekate ona mukuṭ do Probhu Isorakʼ oṛakʼrege tahena.

Jeheskel 46:14

Ona chaḍa niạ sãote din hilokʼ setakʼre apeakʼ anaj samaṅokʼakʼ jinis hõ emokʼ hoyokʼtapea; onare tahena pe keji holoṅ ar onare sipiy lạgitʼ mitʼ liṭar barsae mõṛẽgel gram sunum. Noa do Probhu Isor ńutumte anaj samaṅokʼakʼ reakʼ porob reakʼ mitʼṭecʼ niạm kana.

1 Samuel 30:25

Enhilokʼ khon Dạud do Israelko lạgitʼ ona lekage niạme ṭhikkeda ar teheń hạbicʼ hõ ona do onkage menakʼa.

Numeri 18:8

Inạ tayom Probhu Isor do Arone metadea, “Iń ṭhen okako jinis samaṅokʼ ona reakʼ sanamakʼ dạyik ar bhar do amgeń emakawatʼmea. Iń ńutumte Israelkoakʼ samaṅokʼakʼ sanamakʼ sonot jinis do am ar amren bõskoakʼ bakhra kangea.

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Numeri 10:8

“Noa pepṛẽtʼ do Aronren hoponko, metakʼme naekekoko oroṅa. Noa do amren ar am bõsrenko lạgitʼ jaejug hạbicʼ mitʼṭecʼ niạmge hoyokʼa.

Exodus 12:6

Ar niạ cando reakʼ pongel tạrik hạbicʼ uni do dohoye hoyokʼa. Ona tayom enhilokʼ cando hạsur tayom goṭa Israel somaj reakʼ mimitʼ gharońjrenko do apan ạpin bheḍa hoponko gurkoa.

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Levitikus 23:6

Ona cando reakʼ gel mõṛẽ tạrik do Probhu Isor ńutumte bin khạmiyanakʼ piṭhạ porob ehobokʼa. Ar ape do eae din hạbicʼ bin khạmiyanakʼ piṭhạ jojom hoyokʼtapea.

Dosar Biboron 6:8

Ar dikʼsạ dohoy reakʼ cinhạ lekate ona do apeakʼ tirepe tolkakʼa ar mạndạli leka cạndirepe dohoya.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Numeri 15:15

Ape somajre sanamko lạgitʼ niạ niạmge tahẽyena-baṅ do apere ar baṅ do ape talareko girobasokʼ kan eṭakʼ jạtrenko talare. Piṛhike piṛhi niạ niạm do tahẽidikʼa. Ona babotre Probhu Isor samaṅre ape cetʼleka onkage eṭakʼ jạtrenko hõ.