Exodus 12:12 - সান্তালী বাইবেল

¹² Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Exodus 12:12 Referans Kwoze

Numeri 33:4

Ar misriko do unre akoren pạhil hoponkoko topayetʼko tahẽkana. Probhu Isor do onkoren pạhil hoponkoe gocʼletʼkoa ar onkoren debotakoe sạjạiletʼkoa.

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Jeheskel 12:16

Menkhan onko talaren adom hoṛ do lạṛhạite, akalte ar mahamạri reakʼ ti khoniń bańcaokoa, jemon jãhãregeko calakʼ onḍege jạt jạtrenko talare akoakʼ joto hirkhạwakʼ kạmi reakʼ kathako aṅgoc. Onate onko doko baḍae daṛeakʼa, ińkangeạń Probhu Isor do.”

Jirimiạ 43:13

Uni do Misor disomre menakʼ Heliopolis reakʼ boṅga khunṭikoe rạpuda ar Misorren debotakoakʼ mundilkoe jeretʼ giḍikakʼa.’ ”

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Sereńko 82:6

Ińiń menleda, “Ape dope Isor kana, ape do sanamkoge maraṅ Isorren hopon kanape.

Sereńko 82:1

Isor do acʼakʼ bạisi talareye teṅgo akana; uni do disạm cakʼlaoko tala khon onkoe bicạretʼkoa are hukumako kana;

Exodus 6:2

Isor do Mose arhõe metadea, “Iń doń Probhu Isor kana.

Amos 5:17

Sanam darkha khetkorege homor halaṅ do hoyokʼgea ente iń do apeko talateń parom calakʼa. Iń Probhu Isorge noa katha doń meneda.”

1 Bõsbudạ 14:12

Philisṭiko do akoren murhutʼko onḍegeko giḍi oṭoletʼko tahẽkana. Ar Dạudakʼ hukumte hoṛko do onko murhutʼko seṅgelreko atar giḍikatʼkoa.

1 Samuel 5:3

Dosar hilokʼ hoṛko do setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Ar unre onko do Dagonakʼ muṭhạnko teṅgoketʼte acʼakʼ jaegareko dohokeda.

Exodus 22:28

“Isor do alope nindạuea se aperen disạm cakʼlaoyicʼ hõ alope sarapaea.

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.

Exodus 21:6

enḍekhan uniren kisạ̃ṛ do Isor ṭhene ạguyea. Ar ona tayom do duạr se duạr ganade ṭhen idikate sạlạkte luture pạṭi bhugạgtaea. Onate uni do goṭa jion acʼren kisạ̃ṛ ṭhen golam akane tahena.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Sereńko 135:8

Uni do Misorren pạhil janamkoe ńẽtʼletʼkoa, hoṛren ar janwarren sanamkoge.

Jirimiạ 43:12

Misorren debotakoakʼ mundilkore uni do seṅgele junḍiyakʼa; uni do onkoakʼ mundilkoe jeretʼ giḍikakʼa ar onkoren debotako bondikateye idikoa. Gukʼpiyicʼ cetʼleka acʼakʼ oyon aṅgrope horog onkage uni do Misorteye oyokʼa ar onḍe khon khạtirjomae oḍok calakʼa.

Jirimiạ 46:25

Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Exodus 9:6

Dosar hilokʼ Probhu Isor doe onkakeda. Onate Misorren sanam gại-ḍaṅgra ar bhiḍi meromko gocʼ cabayena, menkhan Israelkoren gại-ḍaṅgrako do mitʼṭen hõ bako gocʼlena.

Sereńko 91:7

Hoedaṛeakʼa am pantere hajar hoṛ ar eṭakʼ pantere do gel hajar hoṛko gurlenre hõ noako do am ṭhen baṅge hijukʼa.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.