Exodus 12:10 - সান্তালী বাইবেল

¹⁰ Ar setakʼ hạbicʼ do cetʼge alope sarecʼ dohokakʼa. Ar thoṛa sarecʼlen khan ona dope atar giḍikakʼa.

Exodus 12:10 Referans Kwoze

Exodus 23:18

“Iń ńutumte tinre janwarakʼ mãyãmpe samaṅa unre ona sãote khạmi mesalakatʼ piṭhạ do alope samaṅa. Porob jokhecʼ iń ńutumte okoe janwarpe dãṛẽko onkoakʼ itil reakʼ jãhãnakʼ hạṭińko setakʼ hạbicʼ alope sarecʼ dohokakʼa.

Exodus 34:25

“Ape do iń ńutumte tinre janwarakʼ mãyãmpe samaṅa unre ona sãote khạmi mesal akatʼ jãhãnakʼge alope samaṅa. Bańcao porob reakʼ samaṅokʼakʼ jãhãnakʼge setakʼ hạbicʼ do alope sarecʼ dohokakʼa.

Levitikus 22:30

Samaṅkede hilokʼge uniyakʼ jel do jom cabaetae hoyokʼtapea; ar dosar hilokʼ setakʼ hạbicʼ do cetʼge alope sarecʼ dohokakʼa. Iń kangeạń Probhu Isor do.

Exodus 29:34

Sid emokʼ reakʼ bheḍawakʼ jel se piṭhạ setakʼ hạbicʼ sarecʼ tahen khan ona do atar giḍikakʼ hoyokʼa. Okoehõ jemon aloko jom, ente ona do sonotakʼ jomakʼ kana.

Exodus 16:19

Ona tayom Mose do onkoe metatʼkoa, “Setakʼ lạgitʼ do alope sarecʼ dohokakʼa.”

Numeri 9:12

Menkhan setakʼ hạbicʼ do cetʼge sarecʼ dohokakʼ baṅ hoyokʼa se uniyakʼ jãhãn jaṅko hõ baṅ rạpudtae hoyokʼa. Bańcaokʼ porob palon jokhecʼ sanam niạmko manao hoyokʼa.

Levitikus 19:6

Porob hilokʼ se ona dosar hilokʼ bhitrire uni samaṅakadeyicʼ reakʼ jel do jom cabae hoyokʼtapea. Ar tesar hilokʼ hõ jodi thoṛa sarecʼ tahen enḍekhan ona dope atar giḍikakʼa,