Exodus 11:8 - সান্তালী বাইবেল

⁸ Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Exodus 11:8 Referans Kwoze

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Sereńko 6:1

E Probhu Isor, edrete alom egerińạ; ar bekusi iạte hõ alom ḍanṭaoińạ.

2 Rapajko 3:9

Unre Jihudạren raj ar Edomren raj sãote Israelren raj hõe oḍok hecʼena. Onko do eae din hạbicʼ ạcur ạcurteko calaoena. Unre lạṛhại phạdkoren se onko sãoten janwarko lạgitʼ dakʼ do baṅ tahẽkana.

1 Rapajko 20:10

Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

Bikʼcạrko 8:5

Onate Gideon do Sukotren hoṛkoe metatʼkoa, “Ińren lạṛhại phạdko thoṛa piṭhạ jom ocokope; enteko laṅga akana. Ar iń do ńitokʼ Midiạnren raj Seba ar Salmuna tạkiniń khudạuetʼkinạ.”

Bikʼcạrko 4:10

Ar Barak do Sebulon ar Napthali gusṭiren hoṛkoe hohowatʼkoa. Onate gel hajar hoṛ do uni sãoteko senena ar Debora hõ onko tulucʼe calaoena.

Dosar Biboron 32:24

Onko do reṅgecʼteko loraokʼa ar durdurạukʼ ruạ ar bisanakʼ rogteko capoṭokʼa. Onko upạrte iń do kaṭaha janwarko ar dhuṛire leńokʼkan bisan bińkoń kolkoa.

Dosar Biboron 29:24

Ona ńelte eṭakʼ sanam jạtren hoṛko mena, ‘Probhu Isor do cedakʼ noa disạm doe nonka akada? Cedakʼ uniyakʼ noa jaljalao edre do?’

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Exodus 10:29

Moseye menkeda, “Am okam menketʼ onkage hoyokʼma. Ińakʼ sana leka am samaṅre do ar bạń hijukʼa.”

Nehemiạ 5:6

Onkoakʼ gulmal ar niạ lạlisko ańjomkate iń do ạḍiń raṅgaoena.