Exodus 11:4 - সান্তালী বাইবেল

⁴ Mose do Pharaoe metadea, “Probhu Isore meneda, tala ńindạ okte iń do Misor disạm talateń parom calakʼa.

Exodus 11:4 Referans Kwoze

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Sereńko 60:10

E Isor, am do cetʼ alem bạtil akatʼlea? Aleren phạdko tulucʼ do ar bacom calakʼkan.

Jobakʼ 34:20

Mitʼ ripitʼregeko gujukʼkana, ar tala ńindạgeko gujukʼkana; arko dal dalao ocolen khan onko doko marao utạrokʼa. Jãhãe jãhãnakʼ bako kạmire hõ daṛeanko doko gujukʼkana.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Mathae 25:6

“Khan tala ńindạ jokhecʼ hoho ańjomena, ‘hạni ńelepe, Jãwãe beṭa doe hijukʼ kana! Ma oḍokokʼpe ar ataṅ daramepe.’

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Amos 5:17

Sanam darkha khetkorege homor halaṅ do hoyokʼgea ente iń do apeko talateń parom calakʼa. Iń Probhu Isorge noa katha doń meneda.”

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

2 Samuel 5:24

Ar konḍea darekore tinre lạṛhại phạdkoakʼ saḍem ańjoma unre am dom oḍok hijukʼa. Ona reakʼ mane do hoyokʼ kana, Philisṭikoren lạṛhại phạdko ńẽtʼko lạgitʼ Probhu Isor do am laha lahateye calao akana.”

Exodus 12:23

Misriko ńẽtʼko jokhecʼ Probhu Isor do tinre Misor disạm talateye parom calakʼa ar unre apeakʼ duạr cạukạṭ reakʼ mãyãme ńelle khan uni do ona oṛakʼe bạgi oṭowakʼ are laha calakʼa. Ar okoe noa ḍahao marao reakʼ kạmiye kạmi uni do apeakʼ oṛakʼre bae bolo ocoaea.

Sereńko 81:5

Uni do sạjại emokʼ lạgitʼ Misor disạm talate tinreye oḍok senena unre Joseph bõsrenko lạgitʼ noa porob do mitʼṭen goha lekateye teṅgokeda. Ar iń do mitʼṭecʼ bạń baḍae akatʼ pạrsiń ańjomkeda.