Exodus 11:3 - সান্তালী বাইবেল

³ Ar Probhu Isor do Israelko cetanre Misrikoakʼ monre dayae rakapʼ ocoketʼtakoa. Ona chaḍa Mose hõ Pharaoren kạmiyạko ar Misorren hoṛkoakʼ mẽtʼãhã samaṅre mitʼṭen maraṅ hoṛe hoyena.

Exodus 11:3 Referans Kwoze

Exodus 12:36

Ar onko okaṭakʼko khojketʼ onage emokʼ lạgitʼ Probhu Isor do misrikoakʼ monre Israelko cetanre dayae janam ocoketʼtakoa. Nonkate onko do misrikoakʼ aema jinisko ạidạriana.

Exodus 3:21

Israelko cetanre Misorrenkoakʼ monre nonkan mitʼṭecʼ dayań janam ocoya jemon Misor khon oḍokokʼ jokhecʼ eken ti alope oḍok hijukʼ.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Sereńko 106:46

Aleren hapṛamko leka ale hõle kại akada; ale dole kại akada, ar bedhoromtele calakʼkana.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.

Ester 9:4

Mordekai do raj doṅgolre maraṅicʼe hoyena; uniyakʼ ńutum do sanam tabe disạmkore pasnao idiyena ar dinke dine daṛe idiyena.

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

Dosar Biboron 34:11

Probhu Isor do Mose hotete Misor disạmre Pharao raj ar uniren kạmiyạko ar uniyakʼ goṭa disạm cetanre okako hahaṛa kạmi ar cinhạkoe kolletʼ onka do celege bako daṛeakawada.

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Exodus 12:35

Israelko do Moseyakʼ katha leka misriko sona-rupạ ar kicricʼko koeketʼkoa.

Dosar Biboron 34:10

Teheń hạbicʼ Israelko talare Mose lekan ar cele nạbiyakʼ janam hõ baṅ hoyakana one uni tulucʼ Probhu Isor do gate leka samna sạmniye galmaraoetʼ tahẽkan.

Josuạ 4:14

Enhilokʼ Probhu Isor do sanam Israelko samaṅre Josuại maraṅ ocokedea. Ona iạte hoṛko do Mose leka Josuạ hõ jonom bhorko manaokedea.