Exodus 11:2 - সান্তালী বাইবেল

² Am do Israelkom metakoa, mimitʼ herel hoponko ar mimitʼ maejiuko sanamkoge jemon ako aḍepaseren hoṛko ṭhen khon sona ar rupạko koejoṅ.”

Exodus 11:2 Referans Kwoze

Exodus 3:22

Sanam Ibri maejiuko do ạdepasere menakʼko Misorren maejiuko ṭhen khon sona, rupạ ar kicricʼkope koetoda. Ona tayom onako hataokate aperen hopon ar hoponerakope horokʼakoa. Nonkate Israelko do Misorrenkoakʼ jinisko ạidạri joṅa.”

Mathae 20:15

Ar okaṭakʼ ińakʼ kan, ona do cetʼ ińakʼ kusileka laṛcaṛ reakʼ ektiạri bạnukʼtińạ? Se ińiń dayakʼkante mẽtʼ jolokʼkan tama?’ ”

Hagae 2:8

Rupạ hõ ińakʼkana, ar sona hõ ińakʼkangea.

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Sereńko 105:37

Uni do sona rupạ salakʼ Israelkoe oḍokʼ ạguketʼkoa; ar onko gusṭiko modren okoe hõ bako laṅgalena.

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Exodus 35:22

Herel hoṛ ar maejiuko talare okoe do monre uskurko ńamketʼ onko hõ mũ reakʼ mạ̃kṛiko, pagrako, chachap mundạmko, hạsliko ar sona reakʼ nana parkan gohonako ạgukeda. Ar okoe Probhu Isor ńutumte sona ạgu moneyade uni do sonae ạgukeda.

Exodus 32:24

Ar niạ katha ańjomkate onkoń metatʼkoa, okoekoakʼ sona pagra menakʼtape onko do ona totʼkate iń ṭhen ạguiype. Ar onko do ińko ạguạdiń khan seṅgelre onań galao ocokeda ar sonaren mĩhũye oḍok hecʼena.”

Genesis 31:9

Isor do abenren babawakʼ palren bhiḍi-meromko khon nonkage ińe emakawạdińa.

Genesis 24:53

Ona tayom uni do sona ar rupạ reakʼ gohona ar kicricʼko oḍokkate Rebekae emadea, ar Rebekaren boeha ar eṅgattetʼ hõ aema dam reakʼ jiniskoe ematʼkinạ.

Exodus 3:21

Israelko cetanre Misorrenkoakʼ monre nonkan mitʼṭecʼ dayań janam ocoya jemon Misor khon oḍokokʼ jokhecʼ eken ti alope oḍok hijukʼ.