Exodus 11:1 - সান্তালী বাইবেল

¹ Unre Probhu Isor do Moseye metadea, “Iń do Pharao ar Misor disạmre ar mitʼṭecʼ duk iń kola. Ar ona tayom Pharao do nonḍe khone sen ocoapea. Menkhan tinreye sen ocoape unre uni do nonḍe khone laga oḍokpea.

Exodus 11:1 Referans Kwoze

Levitikus 26:21

“Apeakʼ monre bạiri lekape hudisiń ar ińakʼ katha bape luturakʼ enḍekhan apeakʼ kại reakʼ sạjại do eae doboṛiń ḍhertapea.

Genesis 15:14

Menkhan okoe onko golam menteko khaṭaoko onko jạtrenko doń sạjạikoa. Ar onko do ạḍi utạr dhon-duribante ona disạm khonko oḍok hijukʼa.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Exodus 3:20

Onate iń do unire ińakʼ daṛeń uduga ar hahaṛa kạmiko hotete Misoriń ńẽda ar onate Pharao doe sen ocoapea.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Jobakʼ 10:17

Iń upạrte am do nãwã nãwã gohakom teṅgoyetʼkoa ar iń upạrte amakʼ edrem baḍhaoetʼtama; amakʼ akromon do mitʼṭecʼ mitʼṭecʼkate iń upạrte hijukʼkana.

1 Samuel 6:4

Unre disạm cakʼlaoko doko kuliyana, “Dos ńutumte samaṅokʼakʼ lekate ale do uni ṭhen cetʼle kola?” Onkoko menkeda, “Philisṭiren disạm cakʼlaokoakʼ lekha lekate ape do mõṛẽ goṭecʼ sona reakʼ ojo ar mõṛẽ goṭecʼ sonaren goḍo kolgotʼkakope, ente hoṛko cetanre ar onkoren disạm cakʼlaoko cetanre inạ mitʼ lekan dukge hecʼakana.

Exodus 6:1

Probhu Isor do Moseye metadea, “Am do Pharaoakʼ dosa cetʼ hoyokʼkana ona ńelme. Ińakʼ keṭecʼ tire paṛaokate uni do hoṛkoe aṛakʼkoa. Hẽ ińakʼ keṭecʼ tire paṛaokate acʼakʼ disạm khon onkoe laga oḍokkoa.”

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.