Exodus 10:9 - সান্তালী বাইবেল

⁹ Moseye roṛ ruạṛkeda, “Aleren hopon ar hoponerako, aleren haṛam ar buḍhi hoṛko, aleren gidrạko ar aleren ḍaṅgrako-bhiḍiko jotoge ale sãoteko calakʼa, ente Probhu Isor ńutumte ale do mitʼṭecʼ poroble porobokʼa.”

Exodus 10:9 Referans Kwoze

Exodus 5:1

Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Ephesiko lạgitʼ Pạul Apostolakʼ ciṭhi 6:4

E babako, aperen gidrạko alope ạṛis ocokoa, bickom Probhu Isorakʼ ḍanṭao ar sikhạunate hara burukope.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Numeri 29:12

“Eae cando reakʼ mõṛẽgel tạrikre hõ mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ khaṭaoteakʼ kạmiko alope kạmiya. Ape do Probhu Isor ńutumte eae din hạbicʼpe porobokʼa.

Exodus 13:6

“Noa porob manao jokhecʼ eae din hạbicʼ bin khạmiyanakʼ piṭhạpe joma. Ar eae din hilokʼ do Probhu Isor ńutumte mitʼṭecʼpe porobokʼa.

Exodus 5:3

Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”

Genesis 50:8

Ona chaḍa Josephren ar acʼ babawakʼ gharońjren ar uniren boehako hõ uni sãoteko calaoena. Gosenre onko do eken akoren hopon ar hoponerako ar mĩhũ-meromko ar bhiḍikoko bạgi oṭowatʼkoa.

Exodus 10:10

Unre Pharao doe metatʼkinạ, “Jãhãtis aperen hopon ar hoponerako salakʼ iń sen ocoape khan tobe do aperen Probhu Isor hõ ape sãoteye tahenma. Husiạrokʼpe apeakʼ monsubạ do baṅ ṭhik tapea.

Exodus 10:26

Aleren ḍaṅgra-bhiḍiko hõ ale sãotegele iditorakoa. Onkoakʼ mitʼṭecʼ khurạ hõ nonḍe do bale giḍi oṭokakʼa. Aleren Probhu Isor sewawae lạgitʼ noko mod khon adomko do jạṛuṛalea. Ar onḍe ạurile senokʼ hạbicʼ bale bujhạu daṛeakʼ kana Probhu Isor sewawae lạgitʼ okoeko janwar lagao aleya.”

Exodus 12:32

Abenakʼ katha lekage calakʼ jokhecʼ aperen ḍaṅgrako-bhiḍiko hõ iditorakope, ar iń hõ bhor oṭoạńpe.”

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Exodus 12:38

Israelko chaḍa arhõ aema hoṛ ar ḍaṅgrako-bhiḍiko sudhạ mitʼṭen maraṅ mĩhũ-merom palko hõ onko sãoteko tahẽkana.