Exodus 10:7 - সান্তালী বাইবেল

⁷ Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

Exodus 10:7 Referans Kwoze

1 Samuel 18:21

Uni do mone moneteye menkeda, “Dạud do ińren hoponerań emaea jemon hoponerań do uniren jhampa lekae hoyokʼ ar Philisṭikoakʼ ti uni upạrte paṛaokʼ.” Niạ hudiskate Sạul do Dạude metadea, “Ińren jãwãe goṅkeńem hoyokʼ reakʼ do niạge amakʼ dosar ạt kana.”

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

Josuạ 23:13

enḍekhan khạṭige baḍaekakʼpe, aperen Probhu Isor do ape samaṅ khon ar bae laga ńirkoa. Ona bodolte onko do aperen jhãmpa ar pạsi lekako hoyokʼa arpe sapʼ ocokʼa ar onko do apeakʼ dea reakʼ cạbuk ar mẽtʼ reakʼ jạnumko hoyokʼa. Ar nokʼõe napae okocʼ disạm aperen Probhu Isore emakawatʼpe nonḍe khonpe marao utạrokʼa.

Exodus 23:33

Apeakʼ disạmre alope girobas ocoakaoa. Arpe tahẽ ocoako khan onko do iń upạrte kại secʼko or idipea, ar onkoren deb-debikope sewawako khan khạṭige jhãmparepe paṛaokʼa.”

1 Korinthiko 7:35

Noa katha do apeakʼ porho lạgitʼgeń roṛeda. Iń do bạń ladeape kana, bickom oka jạruṛa ar okaṭakʼ bhagea ona lạgitʼgeń udgạuetʼpea, jemon ape do goṭa monte Probhu Isorakʼpe kạmi daṛeakʼ.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Jirimiạ 51:8

Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.

Jirimiạ 48:4

Moab doe dhaṅdhaser ocokʼa; onaren huḍińko doko rakʼjoṅkana.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Kạhtukko 29:6

Bedhorom hoṛ do acʼakʼ kại gunạkʼte jhampareye paṛaokʼa, menkhan Isor botorae hoṛ doe rạskạkʼa are sereńa.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Exodus 8:19

Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Exodus 12:33

Misriko hõko botorena, ente hoedaṛeakʼa onko hõko gujukʼa. Onate onko do Israelko usạrae lạgitʼko metatʼkoa jemon usạra disạm khonko oḍok calakʼ.

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.