Exodus 10:26 - সান্তালী বাইবেল

²⁶ Aleren ḍaṅgra-bhiḍiko hõ ale sãotegele iditorakoa. Onkoakʼ mitʼṭecʼ khurạ hõ nonḍe do bale giḍi oṭokakʼa. Aleren Probhu Isor sewawae lạgitʼ noko mod khon adomko do jạṛuṛalea. Ar onḍe ạurile senokʼ hạbicʼ bale bujhạu daṛeakʼ kana Probhu Isor sewawae lạgitʼ okoeko janwar lagao aleya.”

Exodus 10:26 Referans Kwoze

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

2 Korinthiko 8:5

Alele aslen tahẽkan khonakʼ hõ bạ̃ṛtiko danleda; onko do pạhilre Probhu Isor ṭhen apnarko em maṛaṅena ar ona tayom do Isorakʼ sanaleka ale ṭhenko emleda.

Sakariạ 14:20

Enhilokʼ “Probhu Isor ńutumte sonotokʼ ” niạ katha do sadomakʼ hoṭokʼ reakʼ ghạnṭi cetanre rokʼ akae tahena ar Probhu Isorakʼ oṛakʼ reakʼ isinakʼ reakʼ bhajanko do pinḍ samaṅ reakʼ bạṭiko leka sonotakʼ hoyokʼa.

Hosea 5:6

Onko do akoren bheḍa ar ḍaṅgra palkoante Probhu Isor ṭhenko senlenre uni do bako ńamekana; onko khon acʼ doe ocogokʼkana.

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Exodus 12:32

Abenakʼ katha lekage calakʼ jokhecʼ aperen ḍaṅgrako-bhiḍiko hõ iditorakope, ar iń hõ bhor oṭoạńpe.”

Exodus 10:9

Moseye roṛ ruạṛkeda, “Aleren hopon ar hoponerako, aleren haṛam ar buḍhi hoṛko, aleren gidrạko ar aleren ḍaṅgrako-bhiḍiko jotoge ale sãoteko calakʼa, ente Probhu Isor ńutumte ale do mitʼṭecʼ poroble porobokʼa.”

Exodus 10:25

Moseye roṛ ruạṛkeda, “Aleren Probhu Isor ńutumte jeredokʼ ar eṭakʼakʼ samaṅokʼakʼ janwar do amge jogao aleme.

Exodus 8:27

Aleren Probhu Isorakʼ hukum leka ale do hahaṅkar talate pe din reakʼ horte senkate uni ńutumte dãṛẽle samaṅa.”