Exodus 10:22 - সান্তালী বাইবেল

²² Unre Mose do serma secʼ tiye tulkeda, onate Misor disạm do pe din hạbicʼ kaṛaṅ ńut ńutena.

Exodus 10:22 Referans Kwoze

Sereńko 105:28

Uni do ńute kolkeda, ar onate ńutena; uniyakʼ katha upạrte onko do bako teṅgolena.

Johan sodor 16:10

Tayomte mõṛẽyicʼ serma goḍet do uni janwarakʼ siṅghạson cetanre acʼakʼ bạṭi reakʼe dulkeda. Onate uni janwarakʼ rajosṭi do ńutena. Ar hasote hoṛko do akoakʼ alaṅko togocʼkeda ar haso ar ghao iạte onko do sermaren Isorko henostawadea, menkhan enrehõ akoakʼ bạṛicʼ kạmiko khon mon do bako ạcurletʼtakoa.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Dosar Biboron 4:11

Unre ape do ona buru latarre senkatepe teṅgolena; ar ńutte esetʼ akan buru ar dhundte perecʼ rimil do serma hạbicʼ jolokʼkan tahẽkana.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Jobakʼ 5:14

Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jeheskel 32:7

Am sesme jokhecʼ rimil doń dapal esetʼkakʼa ar ipilkoń ńutkoa; rimilte siń candoń dapal esedea ar ńindạ cando do marsal bae emokʼa.

Jeheskel 32:8

Am cetan reakʼ serma reakʼ joto marsal doń ńut ocoya; amakʼ disạm cetanre ńutiń ạguiya. Iń Probhu Isorge noa katha doń meneda.