Exodus 10:19 - সান্তালী বাইবেল

¹⁹ Ar onate Probhu Isor do hoeye ạcur ocokeda ar pạchim khon mitʼṭecʼ kajak hoeye ạguketʼte pohokoe oṭaṅ idiketʼkoa ar arakʼ jalapurireye khadlekatʼkoa. Onkate goṭa Misor disạmre ar mitʼṭen poho hõ bako tahẽlena.

Exodus 10:19 Referans Kwoze

Joel 2:20

“Utạr secʼ khon hijukʼkan lạṛhại phạdko do ape ṭhen khoniń sạṅgiń giḍikakoa; khaṅgoṭ ar jarkhar akan hahaṅkar jaega secʼ iń laga ńirkoa. Onko samaṅ secʼrenko do purub jalapurire ar onko tayom secʼrenko do pạchim jalapuriteń lagakoa. Onkoakʼ bạṛicʼ so do cetante rakapʼa ar seage so oḍokokʼa, ente onkoakʼ kạmi do bạḍạite perecʼge takoa.”

Ibriko 11:29

Biswạstege Israelko do rohoṛ ot leka Arakʼ jalapuriko taṛam paromleda menkhan Misriko do paromokʼ jokhecʼko unum gocʼena.

Exodus 15:4

Pharaoakʼ rãt gạḍiko ar palṭonko do unige jalapuri reakʼ dakʼreye giḍikatʼkoa; Pharaoren bachao akan palṭonko do arakʼ jalapurireko unum gocʼena.

Exodus 13:18

Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

Exodus 10:18

Unre Mose do Pharao ṭhen khon ruạṛkate Probhu Isor ṭhene nehõrena.

Exodus 10:20

Menkhan Probhu Isor do Pharaoakʼ mone keṭecʼ ocoketʼtaea; uni do Israelko bae sen ocowatʼkoa.

Sereńko 109:23

Tarasiń bela reakʼ umul lekage iń doń caba hijukʼkana; ar pohoko lekage iń doń oṭaṅ ocoakana.