Exodus 10:15 - সান্তালী বাইবেল

¹⁵ Nonkate onkote goṭa disạm do chạplạu esetʼena ar ot do hendege ńelena. Ar ṭạnḍiko reakʼ sanam hạriạ̃ṛakʼko ar dare reakʼ okako jo do arel khon sahaṛ akan tahẽkan onako joto do onko pohoko jomkeda. Goṭa Misorre hạriạ̃ṛ dareko do ar cetʼge baṅ tahẽlena.

Exodus 10:15 Referans Kwoze

Exodus 10:5

Onko do hecʼkate disạmko chạplạu eseda, ar ot hõ baṅ ńel ńamokʼa. Arel khon okako rukhiyạlen ona do noko pohoko jom cabaea.

Joel 2:25

Probhu Isore menetʼkana, “Ińren maraṅ lạṛhại phạdko okoe do ape ṭheniń kolletʼko metakʼme jhãke jhãk pohoko, jaljalte jojom pohoko, dodonkan pohoko ar rehetʼ jojom pohoko ar jom ṭhuṭkutʼ pohoko tinạkʼ bochor hạbicʼ apeakʼ phosolko jomakatʼ ona doń sodkatapea.

Sereńko 78:46

Onkoakʼ aṛakʼ sakamko do tejokoe ematʼkoa ar onkoakʼ phosol do pohokoe ematʼkoa.

Exodus 10:12

Ar Probhu Isor do Moseye metadea, “Misor disạm cetanre ti tiạrtam. Onate ṭạnḍi reakʼ sanam hạriạ̃ṛakʼko metakʼme arel khon okako rukhiyại ńamletʼ ona do pohoko hecʼkateko jom cabaea.”

Amos 7:2

Onko do tinre disạm reakʼ hạriạṛ dare sakamko jom cabakeda unre iń do nehõrkateń menkeda, “E Probhu Isor, ikạkakome baṛe. Jakob do cekateye teṅgo ruạṛokʼa? Uni ma coṅ ạḍiye huḍińge.”

Kạhtukko 30:27

Pohokoren raj do bạnuiya, enhõ onko do sạr sạrteko laha calakʼa;

Joel 1:4

Jojom pohoko okaṭakʼko sarecʼ oṭokakʼ ona do dodon pohoko jomkeda; dodon pohoko okaṭakʼko sarecʼ oṭokakʼ ona do jal jalte jojom pohoko jomkeda; ar jal jalte jojom pohoko okaṭakʼko sarecʼ oṭokakʼ ona do rehetʼ sindetʼ jojom pohoko jomkeda.