Exodus 1:14 - সান্তালী বাইবেল

¹⁴ Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Exodus 1:14 Referans Kwoze

Aposkạmi 7:19

Uni raj do aboren hoṛkoe ṭhokayetʼko tahẽkana ar aboren hapṛamko hõ ạḍiye santaoketʼkoa. Ar onkoren bale gidrạkoko janamokʼkan tahẽkanre onko do gocʼko lạgitʼ bahreteye giḍi ocoketʼkoa.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Aposkạmi 7:34

Misor disạmre ińren hoṛko cetanre oka santao hoyokʼkan ona doń ńelakada. Iń do onkoakʼ rakʼjoṅ iń ańjomakada ar onko chaḍaoko lạgitʼ iń pheḍ hecʼakana. Iń do ńitokʼ Misor disomteń kol ruạṛmea.’

Jesaea 58:6

“Iń do nonkan upạsgeń khojkana; ape do apeakʼ bedhorom reakʼ sikṛi ar arãṛ reakʼ baber raṛaetape, jorjulumko chaḍaokope ar mitʼke mitʼ arãṛ rạputʼ giḍikakʼpe,

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Nạhum 3:14

Gherao okte lạgitʼ dakʼ do rakapʼkate dohokakʼme, ar amakʼ gaṛko daṛeanakʼ hoeocoyme. Hasa do lebetʼ khadbadaome; cun ar gitil mesalkate iṭạ tearme.

Mikạ 3:3

Ape do ińren hoṛkoakʼ jelpe jometʼkana, onkoakʼ harta chaḍaokate jaṅko dope rạputʼ gejereda; ape do celaṅ reakʼ jel leka onkope kuṭiyetʼkoa.

Jesaea 52:5

Ar nonḍe ńitokʼ ińakʼ do cetʼ menakʼtińạ? Ińren hoṛko do ạuṛiyakʼteko idi ocoakana, ar disạm cakʼlaoko do onko cetanreko kạumạueda; ar siń sạṭupʼ ińakʼ ńutumko nindạuetʼ kana.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Jesaea 14:6

Uni do kurkurạukʼ edrete jạt jạtrenkoe ńẽtʼetʼko tahẽkana, one baṅ thirokʼ ńẽtʼkotege. Uni do edrekate jạt jạtrenko cetanre mạlikiye calaoetʼ tahẽkana, ar santaokateye domonetʼko tahẽkana.

Sereńko 68:13

Bhiḍi chaṛko talare tinre giticʼ akanpe tahena, unre ape do nonkan potamko lekape ńelokʼa one onkoakʼ phạ̃kṛạ̃kʼ do rupạte esetʼge ar il do sonate dalopʼ akan.

Rut reakʼ kạhini 1:20

Naomiye menkeda, “Iń do Naomi (metakʼme ‘landa’) do ar alope hohoạńạ, bickom Mara (metakʼme ‘haṛhatʼ’) hohoạńpe, ente sanam daṛean Isor do ińakʼ jiwiye haṛhatʼ akatʼtińạ.

Dosar Biboron 26:6

Menkhan Misorren hoṛ do abo sãote bhage bako beoharleda. Onko do ạḍi kosṭoko ematʼbon tahẽkana ar abo cetanre hamal bojhako ladeyatʼ bon tahẽkana.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Levitikus 25:53

Bochor hisạbte dohoakade kạmiyạ hoṛ leka uni do ńele hoyokʼa ar uniren kisạ̃ṛ uni cetanreye jor julumeda se baṅ ona hõ ńel hoyokʼtapea.

Levitikus 25:46

Noko guti ar kạ̃ṛmĩko do sompotti reakʼ hĩs lekate aperen gidrạkope em daṛeakoa. Ar golam lekate jaejugpe doho daṛeakoa, menkhan aperen Israelkore do bape jor julum daṛeakʼa.

Levitikus 25:43

Okoe cetanre hõ alope jor juluma; ape do aperen Isor botoraepe.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 1:13

Onko do arhõ jorjulum salakʼ golamko khaṭaoketʼkoa.

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 1:15

Ona chaḍa Misorren raj do Sipra ar Poa ńutuman barea Ibri, metakʼme Israelkoren dhạ̃i buḍhikine metatʼkinạ,

1 Rapajko 12:14

Uni do onko juạnkoakʼ sopolha lekageye metatʼkoa, “Ińren ạpuń do apeakʼ arãṛe hamal ocoleda menkhan iń do artetʼgeń hamal ocoya. Ińren ạpuń do cạbukteye dalletʼpea, menkhan iń do kidiń kaṭkomkoteń dalpea.”

Kạhtukko 28:15

Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Jesaea 10:24

Ona iạte phạdkoren Probhu Isore meneda, “E ińren hoṛko, okoe do Sionrepe tahenkan, ape do Ạsurren hoṛko Misor disạmrenko leka ṭheṅgateko dalpe ar ape upạrte mutạkko tulrehõ alope botorakoa.