Exodus 1:12 - সান্তালী বাইবেল

¹² Menkhan Misorrenko do Israelko tinạkʼko santaoketʼko unạkʼge onko do lekhareko ḍher idiyena ar beṛhaeteko pasnao idiyena. Onate Misriko do Israelko iạte monre botor rakapʼatʼkoa.

Exodus 1:12 Referans Kwoze

Sereńko 105:24

Probhu Isor do acʼren hoṛkoakʼ bõskoe baḍhao ocoketʼkoa; ar bạiriko khon hõ onkoakʼ daṛeye ḍher ocoketʼtakoa.

Exodus 1:9

Uni do acʼren porjakoe metatʼkoa, “Ńelpe, Israelko do lekhate ar daṛete abo khonko ḍher idikʼkana.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Johan 12:19

Noa ńelte Phạrusiko do ako akoreko men joṅana, “Aboakʼ do cetʼ labge baṅ hoyokʼkana. Ente ńelpe, goṭa dhạrtirenko do uniyakʼ dolteko calaoena.”

Jobakʼ 5:2

Khĩs do bebujicʼ hoṛe ses utạrea ar hiskạ do lelhayicʼe gojea.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Exodus 1:20

Isor do unkin dhạ̃i buḍhikine bhạlạiyketʼkinạ. Ar Israelkoakʼ lekha do ḍher idikʼtege tahẽyena ar onko doko daṛe idiyena.”

Genesis 46:3

Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

Numeri 22:3

Ar nunạkʼ saṅge hoṛ ńelkate Moabren hoṛ do botor caṛhaoatʼkoa. Israelko ńelte onko do sạrige ạḍitetʼko botorena.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Nehemiạ 9:23

Sermaren ipilko leka onko do alekha hoponkom ematʼkoa ar okaṭakʼ disạmte bolokate ona ạidạri reakʼ katha onkoren hapṛamkom metatʼko tahẽkan ona disạmtem aderketʼkoa.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.