Exodus 1:11 - সান্তালী বাইবেল

¹¹ Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 1:11 Referans Kwoze

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 2:11

Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana.

Genesis 47:11

Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Dosar Biboron 26:6

Menkhan Misorren hoṛ do abo sãote bhage bako beoharleda. Onko do ạḍi kosṭoko ematʼbon tahẽkana ar abo cetanre hamal bojhako ladeyatʼ bon tahẽkana.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Sereńko 105:13

Onko do onḍe eṭakʼ eṭakʼ jạtrenko talare ar eṭakʼ eṭakʼ rajosṭiko talareko ạcur baṛaekan tahẽkana,

Sereńko 68:13

Bhiḍi chaṛko talare tinre giticʼ akanpe tahena, unre ape do nonkan potamko lekape ńelokʼa one onkoakʼ phạ̃kṛạ̃kʼ do rupạte esetʼge ar il do sonate dalopʼ akan.

2 Bõsbudạ 8:4

Uni do hahaṅkar ṭoṭha reakʼ nagraha ar Homat ṭoṭha reakʼ sanamakʼ khajańci nagrahako arhõe benao rakapʼkeda.

1 Rapajko 9:19

acʼakʼ sanam gola-nagrahako ar rãt gạḍiko ar aswariko lạgitʼ nagrahakoe benaokeda, metakʼme, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona do jotogeye benaokeda.

Exodus 5:15

Onate Israelren cakʼlaoko do Pharao ṭhen senkate rakʼateko menkeda, “Amren golamko sãote nonka do cedakʼem beohareda?

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Exodus 5:10

Unre golamko cetanreye dohoakatʼko sordar ar Israelren cakʼlaoko do bahrete senkate hoṛkoko metatʼkoa, “Pharaoe menakada, uni do busupʼ ar bae emapea.

2 Bõsbudạ 16:4

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Onko do Ison, Dan, Abel-mayim ar Napthali atoko reakʼ sanam murại nagrahakoe hatkeda.

Sereńko 129:1

Israel doe menma, “Gidrạń tahẽkan khonge hoṛko do ạḍiko santaoedeń kana.

Exodus 5:8

Menkhan enhõ lahate tinạkʼ iṭako benaoetʼ tahẽkan ṭhik unạkʼge onko ṭhen khonpe bujhạu hatao joṅa, mitʼṭecʼ hõ alope aṛakʼakoa. Onko hoṛ doko kuṛhiạgea ar onateko rakʼeda arko meneda Isor ńutumte dãṛẽ samaṅ lạgitʼ sen ocoaleme.

Sereńko 129:2

Ińakʼ gidrạ umer khon ạḍiko santao akadińre hõ, enhõ onko do iń cetanre bako jitạu daṛe akawada.