Ester 9:29 - সান্তালী বাইবেল

²⁹ Ona iạte Abihayilren hoponera Ester rạni ar Jihudi Mordekai do Purim reakʼ niạ ạn ṭarhao lạgitʼ niạ dosarakʼ ciṭhi ektiạri salakʼkin olkeda.

Ester 9:29 Referans Kwoze

Ester 9:20

Mordekai do niạko ghoṭnae ol dohokeda ar Ahasberos rajakʼ rajosṭi reakʼ sor sạṅgiń sanam tabe disạmren Jihudiko ṭhen ciṭhi olkateye kolkeda.

Ester 2:15

Mordekai do acʼren kakattetʼ Abhạyilren okoeṭakʼ hoponera do acʼren hoponera lekateye ạsul haralede uni kuṛi, metakʼme Esterakʼ tinre raj ṭhen calakʼ reakʼ okte seṭerentaea unre Haremren ńel todaroticʼ uni mạ̃yạ̃ṛi Hegai oka idiye metade ona chaḍa ar cetʼge uni do bae khojleda. Ar jãhãege Estere beṅgetʼaekan tahẽkan unige Esterre mẽtʼ do ḍhaṅokʼkantae tahẽkana.

Ester 8:10

Mordekai do unre Ahasberos raj ńutumte ciṭhikoe olketʼte rajakʼ mundạme chapada. Ar ona tayom do rajren khacaṛ sadomre decʼkate aswarikoakʼ tite ciṭhikoe kolkeda.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

Ester 9:21

Uni do hukume emena onko do jao bochor Adar cando reakʼ gelpon ar gel mõṛẽakʼ niạ banar dinge jemonko palon.

Ester 9:28

Tabe disạm reakʼ mitʼke mitʼ nagrahare mitʼke mitʼ gharońjre piṛhike piṛhi niạ bar dinko disạya arko palona. Onate Jihudiko tala khon Purim reakʼ ona banar din palon do tisge baṅ bondokʼa ar onkoren hoponkoakʼ mon khon hõ baṅ meṭaokʼa.