Ester 9:20 - সান্তালী বাইবেল

²⁰ Mordekai do niạko ghoṭnae ol dohokeda ar Ahasberos rajakʼ rajosṭi reakʼ sor sạṅgiń sanam tabe disạmren Jihudiko ṭhen ciṭhi olkateye kolkeda.

Ester 9:20 Referans Kwoze

Ester 8:9

Onako din reakʼ tesar cando, metakʼme Siwan cando reakʼ bargel tesar hilokʼre rajren olokʼkoko hoho ocoyena. Ar Mordekaiyakʼ hukum lekate Bharot khon Kus hạbicʼ mitʼsae bargel eae tabe disạmren Jihudiko, tabe disạm cakʼlaoko, cetan hudạren kạmiyạko ṭhen ciṭhi ol hoyena. Ar niạ ciṭhiko do mimitʼ tabe disạm reakʼ harop ar mimitʼ tabe disạm reakʼ pạrsi lekate ar Jihudikoakʼ harop ar pạrsi lekate olena.

Ester 3:12

Ona tayom pạhil cando reakʼ gelpeyakʼ dinre raj do olokʼkoe hohowatʼkoa. Onko do mitʼke mitʼ tabe disạm reakʼ horop ar mitʼke mitʼ jạtrenkoakʼ pạrsi leka Hamanakʼ hukum do disạm cakʼlaoko ar judạ judạ mukhiyạko ṭhen ol kateko baḍae ocoyena. Ciṭhiko do Ahasberosakʼ ńutumtege ol hoyena ar raj do acʼakʼ mundạmte onako cetanreye chapada.

Ester 1:22

Uni do acʼakʼ rajosṭi reakʼ sanam disạmkore onkoakʼ akhorte ar mimitʼ jạtrenkoakʼ pạrsi lekate ciṭhiye kolkeda je, mitʼke mitʼ herel hoṛ do acʼakʼ gharońjren matha kanae ar uniyakʼ gharońjre acʼakʼ pạrsigeye beoharma.

Ester 1:1

Ahasberos raj do tinre Susan gaṛre acʼakʼ siṅghạsonre duṛupʼkate rajosṭiye calaoetʼ tahẽkana unre niạko ghoṭna do hoylena. Nui Ahasberos do bharot disạm khon Kus hạbicʼ mitʼsae bargel eae disạm cetanreye rajokʼkan tahẽkana.

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

1 Bõsbudạ 16:12

E uniren guti Israelkoren bõsko, uniye bachao akawan Jakobren hoponko, uniyakʼ maraṅ kạmi reakʼ kathako baṛe disạ dohoype; uniyakʼ hahaṛa kạmiko reakʼ katha ar bicạrre oka sạjại reakʼ kathae menakatʼ ona disạ dohoype.

Ester 9:19

Ona iạte atoren Jihudiko, metakʼme okoe do begor pạcrite esetʼ jaegakoreko girobasokʼ kan tahẽkan onko do Adar cando reakʼ gelponakʼ dinre do rạskạwakʼ din ar bhoj reakʼ din ar eṭakʼko jomakʼ kolako reakʼ din lekateko palonkeda.

Ester 9:21

Uni do hukume emena onko do jao bochor Adar cando reakʼ gelpon ar gel mõṛẽakʼ niạ banar dinge jemonko palon.

Ester 9:26

Ona iạtege “Puretʼ” katha khon niạkin din do “Purimko” metakʼkana. Ar ona ciṭhire cetʼko ol tahẽkan ar onko cetanre cetʼko hoylen ona iạte Jihudiko doko ṭhik doholeda je, mitʼṭecʼ niạmko dohoya. Onko ar onkoren hoponko okoe do Jihudi jạtko hatao akatʼ onko sanamkoge ona ciṭhi reakʼ hukum ar niṭ akatʼ okte leka jao bochor niạ banar din jemonko palon.

Ester 9:29

Ona iạte Abihayilren hoponera Ester rạni ar Jihudi Mordekai do Purim reakʼ niạ ạn ṭarhao lạgitʼ niạ dosarakʼ ciṭhi ektiạri salakʼkin olkeda.

Jirimiạ 29:1

Bondiko modre sarecʼ akan murubbiko, naekeko, nạbiko ar eṭakʼ sanam hoṛko Nebukadnesar raj do Jerusalem khon bondikate Babelteye idiletʼko onko ṭhen Jirimiạ do Jerusalem khon mitʼṭecʼ ciṭhiye kolkeda.