Ester 9:18 - সান্তালী বাইবেল

¹⁸ Menkhan Susanren Jihudiko do gelpe ar gelponakʼ dinre mitʼ sãoteko jarwa mitʼena. Ona tayom gel mõṛẽakʼ dinre onko doko jirạuena ar enhilokʼ do bhoj ar hulạsanakʼ din lekateko palonkeda.

Ester 9:18 Referans Kwoze

Ester 9:21

Uni do hukume emena onko do jao bochor Adar cando reakʼ gelpon ar gel mõṛẽakʼ niạ banar dinge jemonko palon.

Ester 9:15

Susanren Jihudiko do Adar cando reakʼ gelponakʼ dinre mitʼ ṭhenko jarwayena ar onḍe do pesae hoṛko gocʼketʼkoa, menkhan jãhãn luṭakʼ jinis do bako hataoleda.

Ester 9:13

Ester rạniye roṛ ruạṛkeda, “Maharaj bhageye bujhạuetʼ khan tobe teheń leka gapa hõ Susanren Jihudiko jemon hukumko ńam; ar Hamanren gel goṭen hopon doko pạsi ocokʼma.”

Ester 9:1

Adar cando reakʼ, metakʼme gelbar cando reakʼ gelpeakʼ dinre rajakʼ hukum kạmi purạukʼ reakʼ okte do seṭerena. Enhilokʼ Jihudikoren bạiriko do onko domaoko reakʼko asokʼkan tahẽkana, menkhan ghoṭna do ulṭạuena. Okoe do Jihudikoko hirkhạwako kan tahẽkan onkoge Jihudi ṭhenko jaṅga latar ocoyena.

Ester 9:11

Susan gaṛre okoeko gocʼ ocolen onkoakʼ lekha do enhilokʼge rajko baḍae ocokedea.

Ester 8:11

Ahasberos raj do ona ciṭhire Adar cando reakʼ, metakʼme gelbar cando reakʼ gelpeyakʼ dinre uniyakʼ rajosṭi reakʼ mimitʼ nagraharen Jihudiko jemon mitʼ ṭhenko jarwakʼte akoakʼ jiwi rukhiyạitako reakʼ ạidạriye ematʼkoa. Jãhãn jạt se tabe disạmren hoṛko jodi Jihudiko ar onkoren maejiuko ar hoponko ar hoponerako cetanre akromonko calao enḍekhan Jihudiko hõ akoren bạirikoko marao utạrko ar onko bạirikoakʼ sompotti luṭ reakʼ ạidạriko ńamkeda.

Ester 9:2

Okoe do Jihudiko marao utạrkoko menletʼ Jihudiko do onko akromonko lạgitʼ Ahasberos rajakʼ sanam tabe disạmre nij nij nagrahareko jarwayena. Ar onko upạrte celege bako teṅgo daṛeada, ente eṭakʼ sanam jạtren hoṛko do onkoko botorako kan tahẽkana.