Ester 9:12 - সান্তালী বাইবেল

¹² Raj do unre Ester rạniye metadea, “Susan gaṛre Jihudiko do mõṛẽsae hoṛ ar Hamanren gel goṭen hoponko gocʼ akatʼkoa. Rajakʼ sarecʼ tabe disạmkore baṅ cetʼko cekawakatʼ. Ńitokʼ amakʼ ńehõr joṅakʼ do cetʼ tam? Ńitʼhõ jãhãnakʼgem khoj onagem emocokʼa. Ar onkage hoyokʼa.”

Ester 9:12 Referans Kwoze

Ester 7:2

Unkin do tinre darkha rasakin ńuńukan tahẽkana unre raj do arhõe kuliyana, “Ester rạni, am do cetʼem khojkana? Am okam khoj onagem emocokʼa. Amakʼ nehõr joṅakʼ do cetʼ tam? Adha rajosṭim khoj khan ona hõm ńama.”

Ester 5:6

Darkha rasa ńuńu tulucʼ raj do Estere kulikedea, “Am do cetʼem khojkana? Am okam khoj onagem emocokʼa. Amakʼ nehõr joṅakʼ lạiyạńme? Rajakʼ adha kanrehõ enhõ onam emocokʼa.”

Ester 9:11

Susan gaṛre okoeko gocʼ ocolen onkoakʼ lekha do enhilokʼge rajko baḍae ocokedea.

Ester 9:15

Susanren Jihudiko do Adar cando reakʼ gelponakʼ dinre mitʼ ṭhenko jarwayena ar onḍe do pesae hoṛko gocʼketʼkoa, menkhan jãhãn luṭakʼ jinis do bako hataoleda.

Ester 5:3

Raje kuliyana, “Ester rạni, cetʼ hoyakana? Ar am do cetʼem khojkana? Adha rajosṭim koeyeńre hõ onań emama.”

Aposkạmi 23:19

Maraṅ subedar do tire sapʼkate mitʼ secʼe idikedeteye metadea, “Cetʼ mitạńem meneda?”