Ester 8:9 - সান্তালী বাইবেল

⁹ Onako din reakʼ tesar cando, metakʼme Siwan cando reakʼ bargel tesar hilokʼre rajren olokʼkoko hoho ocoyena. Ar Mordekaiyakʼ hukum lekate Bharot khon Kus hạbicʼ mitʼsae bargel eae tabe disạmren Jihudiko, tabe disạm cakʼlaoko, cetan hudạren kạmiyạko ṭhen ciṭhi ol hoyena. Ar niạ ciṭhiko do mimitʼ tabe disạm reakʼ harop ar mimitʼ tabe disạm reakʼ pạrsi lekate ar Jihudikoakʼ harop ar pạrsi lekate olena.

Ester 8:9 Referans Kwoze

Ester 1:22

Uni do acʼakʼ rajosṭi reakʼ sanam disạmkore onkoakʼ akhorte ar mimitʼ jạtrenkoakʼ pạrsi lekate ciṭhiye kolkeda je, mitʼke mitʼ herel hoṛ do acʼakʼ gharońjren matha kanae ar uniyakʼ gharońjre acʼakʼ pạrsigeye beoharma.

Ester 1:1

Ahasberos raj do tinre Susan gaṛre acʼakʼ siṅghạsonre duṛupʼkate rajosṭiye calaoetʼ tahẽkana unre niạko ghoṭna do hoylena. Nui Ahasberos do bharot disạm khon Kus hạbicʼ mitʼsae bargel eae disạm cetanreye rajokʼkan tahẽkana.

Daniel 6:1

Darjawes do acʼakʼ rajosṭi reakʼ sanam disạmko cetanre mitʼsae bargel cakʼlaoko bahalko do jute metatʼa.

Daniel 4:1

Nebukadnesar raj do dhạrtiren sanam jạtrenko, disạmrenko ar pạrsiren hoṛko ṭhen noa sombate kolkeda: Apeakʼ bhạlại hoyokʼtapema.

2 Rapajko 18:26

Unre Hiskiạren hopon Eliakim ar Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

Daniel 6:25

Inạ tayom Darjawes raj do sanam jạtrenko, disạmrenko ar pạrsiren hoṛko ṭhen niạ kathae olkeda: “Apeakʼ bhạlại hoyokʼtape ma!

2 Bõsbudạ 15:10

Asawakʼ rajokʼ gel mõṛẽakʼ bochor reakʼ tesarakʼ candore noko hoṛko do Jerusalemre hecʼkateko jarwayalena.

Ester 10:1

Ahasberos raj do acʼakʼ goṭa rajosṭi, ar sạṅgiń disạmkore hõ khajnae ladeatʼkoa.