Ester 7:8 - সান্তালী বাইবেল

⁸ Raj doṅgol reakʼ bagwan khon raj do bhoj oṛakʼteye ruạṛ hecʼena ar unre Ester oka duṛupʼakʼre ṭenḍarkateye duṛupʼ akan tahẽkan onare Haman doe ombakʼ akan tahẽkana. Unre raj do ãṭ aṛaṅteye menkeda, “Nui do cetʼ iń samaṅrege ińren rạniye jormoṭea?” Rajakʼ moca khon niạ katha oḍokokʼ são sãote hoṛko do Hamanakʼ mẽtʼãhãko betʼketʼtaea.

Ester 7:8 Referans Kwoze

Ester 1:6

Ona bagwan sajao lạgitʼ do ponḍ ar lil kicricʼ reakʼ orwalkoe beoharkeda. Onako do ponḍ ar beguni roṅakʼ mĩhĩ musnạ sutạm reakʼ baberte rupạ mạ̃kṛiko ar marbel dhiriko khunṭire tol ṭarhao akan tahẽkana. Marbel dhiriko, jhinuk ar aema lekan roṅ reakʼ eṭakʼ eṭakʼ damanakʼ dhiriko reakʼ aṭetʼ bạisạuatʼre sona ar rupạ reakʼ duṛupʼakʼko tahẽkana.

Ester 6:12

Inạ tayom Mordekai do arhõ raj dolan reakʼ phaṭo duạr ṭhene senena. Menkhan Haman do dukte bohokʼe tol esetʼente usạrate oṛakʼteye calaoena.

Jesaea 22:17

Sontorokʼme, E daṛean hoṛ, Probhu Isor do sapʼkateye lebda giḍime lạgidokʼ kana.

Jobakʼ 9:24

Bedhoromkoakʼ tire dhạrti do emakana ar Isor do bikʼcạrkoakʼ mẽtʼe bond akatʼ takoa. Uni bae onka akatʼ khan tobe do okoeye onka akada?

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Mark 14:65

Unre adomko do hoṛmoreko thoadea ar uniyakʼ mẽtʼko betʼketʼtaea ar kilạukedeteko metadea, “Am do cetʼ nạbi kanam? Mase lạime okoeye dalketʼmea!” Ona tayom palṭonko do idikateko thapa baṛakedea.

Ester 1:5

Niạko tayom uni do Susan gaṛre jarwa akan cetan ar latar hudạren sanamko lạgitʼ eae din hạbicʼ raj doṅgol reakʼ bagwanreye bhojkeda.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Amos 3:12

Probhu Isore meneda, “Gukʼpiyicʼ cetʼleka dhạcri kulakʼ moca khon jaṅga reakʼ eken barea jaṅ se lutur reakʼ mitʼ kuṭrại rukhiyạ daṛeakʼ onkage Israelren okoeko hoṛ Samariạreko girobasokʼ kan onko do eken onkoakʼ ṭenḍar mạci reakʼ mitʼ konac ar parkom reakʼ kuṭrạgeko rukhiyạ daṛeakʼa.”