Ester 7:10 - সান্তালী বাইবেল

¹⁰ Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Ester 7:10 Referans Kwoze

Sereńko 7:16

Acʼakʼ bedhorom reakʼ bojha do acʼakʼ bohokʼrege ruạṛ hecʼaea; ar okoeye julumede ona do uniyakʼ bohokʼrege ńurokʼa.

Daniel 6:24

Okoeko hoṛ do hiskạte Danielko dusilede onko do rajakʼ hukum iạteko ạgu ocoyena ar onkoren bạhuko gidrạko sudhạ ona dhạcri kulkoakʼ khandṛaṅreko khalde ocoyena. Ar onḍe ạuriko ńurokʼrege dhạcri kulko do onkore jhãpko emkeda ar onkoakʼ jaṅko rạputʼ gejerketʼtakoa.

Jeheskel 5:13

“Niạko tayom ińakʼ heṛan edre do cabakʼa; onko cetanre ińakʼ edre purạteń upʼako tayom iń doń hapekʼa. Ar unreko baḍae daṛeakʼ, ińakʼ ontor reakʼ jaljalao iạte iń Probhu Isor do noa kathań meneda.

Bikʼcạrko 15:7

Unre Samson do onkoe metatʼkoa, “Apeakʼ noa kạmi cetanre ạuriń halae hạbicʼ iń do bạń thirokʼa.”

Sakariạ 6:8

Ona tayom uni do hohoạdińteye metadińạ, “Ńelme, okoe utạr secʼko calakʼkan onko do ińakʼ edreko dapalketʼtińạ.”

Ester 2:1

Noako tayom Ahasberosakʼ raṅgao thirentae khan uni do Bạsti rạniyakʼ katha, metakʼme Bạsti okae cekaletʼ ar uni reaṅ okae hukumletʼ onae disạkeda.

Genesis 40:22

Menkhan piṭhạ bekʼnaokoren sordar doe pạsikedea. Joseph cetʼleka kukmũ reakʼ manetetʼe lạiyatʼkin tahẽkan onkage unkinre hoyena.

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.

Ester 7:7

Raj doe raṅgaoente darkha rasa dohokateye beretʼena ar oḍokente raj doṅgol reakʼ bagwanteye boloyena. Unre Haman doe bujhạu daṛeada raj do acakʼ bhạge ṭhik dohoakada onate jiwi rukhiyạitae lạgitʼ Ester rạni ṭhene tahẽyena.

Ester 7:8

Raj doṅgol reakʼ bagwan khon raj do bhoj oṛakʼteye ruạṛ hecʼena ar unre Ester oka duṛupʼakʼre ṭenḍarkateye duṛupʼ akan tahẽkan onare Haman doe ombakʼ akan tahẽkana. Unre raj do ãṭ aṛaṅteye menkeda, “Nui do cetʼ iń samaṅrege ińren rạniye jormoṭea?” Rajakʼ moca khon niạ katha oḍokokʼ são sãote hoṛko do Hamanakʼ mẽtʼãhãko betʼketʼtaea.

Sereńko 94:23

Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.

Kạhtukko 11:27

Okoe bhageakʼe ńam bakʼṛakan uni do dayae ńama, menkhan bạṛicʼakʼe ńam baṛaeyicʼ do acʼge ona paṛaoaea.

Kạhtukko 26:27

Okoe hoṛ khạ̃ṛiye lae uni do onaregeye ńurokʼa; ar okoe hoṛ dhiriye guṛgạu gotʼkakʼ ona do acʼge guṛgạu hecʼaea.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Ester 8:7

Onate Ahasberos raj do Ester rạni ar Jihudi Mordekai tạkine metatʼkinạ, “Haman do Jihudiko upạrteye kạmiletʼte uniyakʼ sompotti do Ester iń emadea ar hoṛko do uniko pạsikedea.

Ester 9:14

Raj do ona hoyokʼ reakʼgeye hukumkeda. Susanre rajakʼ ona hukum do lại jạhirena ar hoṛko do Hamanren gel goṭen hoponko pạsiketʼkoa.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Jobakʼ 18:8

Uniyakʼ jaṅgage jhạli secʼe chaṭa idiyea; ar onage khạ̃ṛireye adereya.

Jobakʼ 20:8

Kukmũ lekage uni doe oṭaṅokʼa, ar bae ńamokʼa; uni do ńindạ reakʼ chol lekageye laga ńir ocokʼa.

Sereńko 37:15

Menkhan onkoakʼ tarwaṛe do onkoakʼ koṛamrege bolokʼa ar onkoakʼ akʼ do rạpudokʼ takoa.

Kạhtukko 11:8

Dhorom hoṛ do kosṭo khon bańcaoko ńama, menkhan ona kosṭo do bedhoromko cetanre hecʼ paṛaokʼa.

Daniel 6:25

Inạ tayom Darjawes raj do sanam jạtrenko, disạmrenko ar pạrsiren hoṛko ṭhen niạ kathae olkeda: “Apeakʼ bhạlại hoyokʼtape ma!