Ester 6:4 - সান্তালী বাইবেল

⁴ Raje kuliyana, “Dorbarre okoe menakʼkoa?” Unre Haman do acʼe benao akatʼ pạsikaṭre Mordekai pạsiye reakʼ raj ṭhen aroj lạgitʼ bahre dorbarre hecʼkateye teṅgo akan tahẽkana.

Ester 6:4 Referans Kwoze

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.

Ester 4:11

“Rajren sanam kạmiyạko ar raj tabe disạmren sanam hoṛko baḍaea je, jãhãe herel se maejiuge rajakʼ hukum begorte bhitrite raj ṭhene senokʼ enḍekhan uni lạgitʼ do mitʼṭecʼ ạnge menakʼa- ona do uniyakʼ gujukʼ. Tobe okoe hoṛ secʼ raj do acʼakʼ sona ṭheṅgae ạwiltae eken unige jiwetʼe tahena. Menkhan pegel din hoyokʼkana raj ṭhen calakʼ lạgitʼ iń do bạń hoho ocoakana.”

Sereńko 2:4

Probhu Isor do serma reakʼ siṅghạson khone landa kana; Uni do onkoe siṛogakokana.

Ester 5:1

Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Sereńko 33:19

jemon moron khon onkoakʼ jiwi rukhiyạkʼtako ar akalre jiwetʼe doho daṛeako.

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Ester 7:9

Unre Harbona ńutuman rajren mitʼṭen sapʼsosoricʼe menkeda, “Hamanakʼ oṛakʼre mõṛẽgel moka usul mitʼṭecʼ pạsikaṭ sapṛao doho menakʼa. Mordekai, okoe do rajakʼ jiwi rukhiyại lạgitʼ khobore ạguletʼ uni lạgitʼge Haman do onae sapṛao dohoakatʼ tahẽkana.” Raje menkeda, “Onarege uni pạsiyepe.”

Ester 6:3

Raje kuliyana, “Noa iạte Mordekai do cetʼ jãhãn manot em akawadea?” Uniren kạmiyạkoko roṛ ruạṛadea, “Uni do cetʼge baṅ ceka akawadea.”

Ester 6:5

Rajren gutiko doko menkeda, “Dorbarre Hamane teṅgo akana.” Raje menkeda, “Haman bhitriteye hijukʼma.”