Ester 6:11 - সান্তালী বাইবেল

¹¹ Onate Haman do raj kicricʼ ar sadome ạgukedea ar ona kicricʼ Mordekaiye horokʼadete sadomreye decʼkedea ar nagraha reakʼ moedanre uni laha lahate noae lại jạhirkeda, “Raj okoe manoteye men unire hõ nonkage hoyokʼa.”

Ester 6:11 Referans Kwoze

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Ester 9:3

Tabe disạmren sanam cetan hudạren kạmiyạko, disạmren cakʼlaoko ar rajren eṭakʼ eṭakʼ kạmiyạko do Jihudikoko goṛowatʼkoa, ente onko do Mordekaiko botoradea.

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Esra 6:13

Darjawes raj do ona hukume emletʼ iạte phurạt gaḍa pạchim aṛe ṭoṭhakoren disạm cakʼlao kin Tatenai, Setharbosenai ar onḍenko maraṅ hudạren kạmiyạko do joton salakʼ onako palonkeda.

Ester 6:10

Unre raj do Hamane hukumadea, “Am do ńitge senkate raj kicricʼ ar sadom ạguiyem ar cetʼ lekam menketʼ onkage raj doṅgol reakʼ phaṭok duạrreye duṛupʼ akan uni Jihudi Mordekae onkawaeme. Ar am cetʼkom menketʼ onako reakʼ cetʼge alom ḍhilisiliya.”

Ester 6:12

Inạ tayom Mordekai do arhõ raj dolan reakʼ phaṭo duạr ṭhene senena. Menkhan Haman do dukte bohokʼe tol esetʼente usạrate oṛakʼteye calaoena.

Kạhtukko 27:18

Loa dareye jotonetʼkan hoṛ do ona reakʼ jogeye joma; ar okoe acʼren kisạ̃ṛe sapʼsoraekan uni doe manot ocokʼa.