Ester 5:1 - সান্তালী বাইবেল

¹ Tesar hilokʼ Ester do rạniyakʼ sajbaj horokʼkate raj doṅgol bhitri raj dorbarte senkateye teṅgoyena. Unre raj do siṅghạsonre duṛupʼkate duạr secʼe samaṅ akatʼ tahẽkana.

Ester 5:1 Referans Kwoze

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Ester 6:4

Raje kuliyana, “Dorbarre okoe menakʼkoa?” Unre Haman do acʼe benao akatʼ pạsikaṭre Mordekai pạsiye reakʼ raj ṭhen aroj lạgitʼ bahre dorbarre hecʼkateye teṅgo akan tahẽkana.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Ester 4:11

“Rajren sanam kạmiyạko ar raj tabe disạmren sanam hoṛko baḍaea je, jãhãe herel se maejiuge rajakʼ hukum begorte bhitrite raj ṭhene senokʼ enḍekhan uni lạgitʼ do mitʼṭecʼ ạnge menakʼa- ona do uniyakʼ gujukʼ. Tobe okoe hoṛ secʼ raj do acʼakʼ sona ṭheṅgae ạwiltae eken unige jiwetʼe tahena. Menkhan pegel din hoyokʼkana raj ṭhen calakʼ lạgitʼ iń do bạń hoho ocoakana.”

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Mathae 27:64

Onate hukum emokʼme pe mãhã hạbicʼ jemon topa do kajakte horhokʼ. Ar baṅkhan uniren celako hecʼkate uniyakʼ mạ̃ṛĩko kombṛo iditaea ar hoṛkoko lạiyakoa ‘Uni do gocʼko khone jiwetʼ beretʼ akana.’ Ar onka hoylen khan pạhilakʼ bulạu khon tayomakʼ bulạu do artetʼge bạṛicʼ hoyokʼa.”

Mathae 11:8

Se, cetʼ ńeńelpe oḍok calaolena? Mońj kicricʼe horokʼ akatʼ mitʼṭen hoṛ ńeńel? Sạrige okoe mońj kicricʼko horokʼetʼkan onko do rajakʼ oṛakʼreko tahenkana.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Ester 4:17

Onate Mordekai do senkate Esterakʼ sanam hukum lekae kạmikeda.

Ester 2:5

Onako dinre Mordekae ńutuman Benjạmin gusṭiren mitʼṭen Jihudi hoṛ do Susan gaṛreye tahẽkana. Uni do Jayirren hopone tahẽkana, ar Jayir do Simạiren hopone tahẽkana ar Simại do Kisren hopone tahẽkana.