Ester 3:6 - সান্তালী বাইবেল

⁶ Ar Mordekayakʼ jạt reaṅe baḍaeketʼ khan uni goje do huḍiń bisoegeye metatʼa. Ona bodolte uni do mitʼṭecʼ pontha sendraye ehopʼena jemon Ahasberosakʼ goṭa rajosṭi khon Mordekairen hoṛko, metakʼme Jihudikoe marao cabako.

Ester 3:6 Referans Kwoze

Sereńko 83:4

Onkoko meneda, “Dela, jạtrenko bon marao cabakoa, jemon Israelakʼ ńutum aloko disạ dohoy.”

Johan sodor 12:12

“Onate E serma, hulạsokʼme; ar ape okoe do onḍepe tahenkan, hulạsokʼpe. Menkhan dhạrti ar jalapuri abenre do hae hae, ente Soetan do aben cetanreye pheḍ hecʼakana. Soetan do raṅgaoteye phulạu akana, enteye baḍaea uniyakʼ do ḍher somoe bạnukʼtaea.”

Esra 4:6

Ahasberosakʼ rajokʼ ehopʼrege onko bạiriko do Jihudạ ar Jerusalemren hoṛko upạrte mitʼṭecʼ olakʼ hoteteko lạliskeda.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Jirimiạ 33:24

“Hoṛko okako menetʼ, baṅma, ‘Probhu Isor do Israel ar Jihudạren hoṛkoe bachaoan tahẽkana, menkhan ńitokʼ do onkoe nihạ̃t giḍikako kana,’ ona do cetʼ bam kheyaletʼ kana? Onko do ińren hoṛko nihạ̃tetʼkoa ar jạtrenko lekate bako ńeletʼkoa.

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana